ARTIKEL

Chara mutar isu pelajar deka dikerandau enggau Menteri Pelajar

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Opis Menteri Pelajar, Inovasyen enggau Pemansang Bakat (MEITD) ngarap ulih betemu enggau Menteri Pelajar, Fadhlina Sidek enggau lengkas dikena mutar isu bekaul pekara pelajar di Sarawak.

Menteri MEITD, Datuk Roland Sagah Wee Inn madah, opis menteri iya agi nganti awak ti engkeman berandau pasal pekara pelajar di nengeri tu.

“Kami naka ulih ngiga awak ti engkeman endur betemu enggau berandau. Tang naka diatu, apin bisi haribulan ungkup baum ti deka diatur.

“Aku ulih nerima engka iya benung kiruh tang aku ngarapka kami ulih betemu enda lama agi.

“Tang kami ngarap, maya betemu ila ulih berandau enggau lenak pasal pekara tu. Enti sema betemu enggau bejaku, nadai guna. Aku enggai masau jam enggau pekara baka nya,” ku iya nyemetak.

Sagah mansutka jaku nya lebuh nyimpul jurai opis menteri iya ba Aum Kunsil Nengeri (DUN), ditu kemari.

Nyaut tanya pemberita bekaul haribulan MEITD disadang betemu enggau Fadhlina ngambi mutar isu pelajar ditapi ba Sarawak, Sagah madahka iya udah betemu enggau Fadhlina ba penemuai basa ngagai Premier Sarawak Datuk Patinggi Tan Sri Abang Johari Tun Openg sebedau tu.

“Aku udah betemu enggau iya lebuh ngatur penemuai basa ngagai Premier.

“Tang lebuh nya, kami nadai berandau ke pekara tu laban iya nemuai meri basa ngagai Premier empu, nya pengawa bebida,” terang iya.
Lebuh nyimpul jurai, Sagah madahka iya deka bejalaika pangku pengawa mai pekara bekaul pelajar dibantai pengari rayat ngambi nerima perati Menteri Perintah Besai nya.

“Taja pia, aku asa laban peminta kami betemu enggau Menteri nya puntan,” ku iya.

BERITA LAIN

Jasa indai meruan dikenang

KUCHING: Kaunsil Peranak enggau Pemansang Ruang Bilik Menua (LPPKN) udah mujur ngatur Pengerami Hari Indai Renggat Nengeri Sarawak 2024. Bisi 400 indai udah sampal datai

Penyulut SPM meri pengaga ngagai semua

KUCHING: Bulih pemutus peresa nyulut ba Sijil Pelajaran Malaysia (SPM) 2023 ukai penyulut siku orang aja tang nya penyulut semua raban. Nembiak Sekula Sekondari (SMK)

Saripah Tuah angkun ngangkat pesaka Bisaya

ANGKUN deka nyaga kereban asal raban bansa Bisaya, Saripah Tuah, 44 bejalaika dagang ngelakuka semua kereban tradisional Bisaya awakka enda punas disegang arus pemansang dunya

BERITA TERBARU