ARTIKEL

Chara nempa disiplin nembiak

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Apai indai ditangkan nerima manah lalau Menteri Besai, Datuk Seri Anwar Ibrahim ke deka meda nembiak diajar meresi agu diri empu ba sekula.

Presiden Gerempung Pengajar Sarawak (STU), Kullin Djayang madah, pekara nya beguna amat laban ulih nempa disiplin nembiak sereta nentu sida nyaga pemeresi ukai semina ba sekula aja tang mega ba rumah.

Ku iya, pelajar ti manah bepun ari pekara pemun nyengkaum pengawa nyaga pemeresi diri enggau endur ti ngelingi.

“Ari nya, apai indai meseti meda pekara tu enggau positif lalu ngemendar ke anak sida bela enggau bejalaika tanggungpengawa ba pemeresi sekula nyengkaum agu,” ku iya.

Empai lama, Anwar ngelalau pekara nya laban iya endang chara ti patut dikena ngajar sida pasal nyaga pemeresi ketegal pemayuh agu, ti endang fasiliti khas ungkup peranak sekula ba menua tu, ke enda dijaga sereta diseleti enggau manah.

Ku Anwar, nembiak patut ngaul diri ba pengawa nyaga pemeresi agu sereta diberi pengawa berenggat kelimpah kimpin pemeresi ti seruran dipejalai raban sekula enggau kerejasama Gerempung Apai Indai enggau Pengajar (PIBG).

Pia mega, ku Kullin agi, kelia pelajar endang dilatih meresi endur sekula nyengkaum agu.

“Taja pia, pengudah suah nerima bantah ari apai indai, perintah nyendia agih belanja ungkup sektor peribit ngambi ngereja pengawa meresi endur sekula.

“Ke bendar ba sida pengajar, pelajar ukai semina ari sukut akademik aja tang mega ba pengerai tubuh enggau disiplin.

“Rambai jaku hari pengajar taun tu iya nya ‘Guru Insani Pemangkin Generasi Madani’ nyengala deka beratka pasal pengawa nempa nembiak ngena pelajar meruan,” ku iya.

Seraya nya, iya mega ngumbai lalau Menteri Besai nya endang siti penemu ti positif.

BERITA LAIN

2,000 belanda seraya ngintu rampa menua

KUCHING: Urung 2,000 penyereta ngulu program belanda pengasih besuluka jaku Run To Save Lives 4.0 ti belabuh ba mua Majlis Bandaraya Kuching Selatan (MBKS), ditu

BERITA TERBARU

Rose Blackpink sertai The Black Label

PENYANYI KOREA, Rose Blackpink menandatangani kontrak pengurusan dengan The Black Label, diketuai oleh penerbit Teddy. “Kami menandatangani kontrak pengurusan dengan artis Rose. “Penerbit Teddy dan

Pentas peragaan sentuhan Syafiq Kay

AKSI, kecekapan dan keanggunan pentas peragaan penting untuk menyerlahkan ratu cantik. Jurulatih pentas peragaan Sarawak, Shafi k Kay menyertai bidang peragaan dan kecantikan ratu cantik