ARTIKEL

KULLIN DJAYANG

Chara Perintah Sarawak nyeleti sekula repuk nemban

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Pengawa perintah nengeri meri agih belanja RM100 juta dikena nyeleti sekula repuk ba menua pesisir enggau menua ulu ba Sarawak beguna amat dikena negapka agi pelajar ba nengeri tu.

Presiden Gerempung Pengajar Sarawak (STU), Kullin Djayang madah, isu bekaul sekula repuk nya udah lama dibantaika bemacham raban nyengkaum STU.

Iya madah, kebuah pia ngambi isu nya diberi perati semua raban kelebih agi Opis Menteri Pelajar enggau perintah nengeri.

“Nya alai, kitai nerima manah pekara tu lalu laban ti nyadi sebuah gerempung pengajar, kitai beterima kasih ngagai Premier Sarawak enggau semua bala tuai Gempung Parti Sarawak (GPS),” ku iya ba sebengkah penerang kemari.

Iya mega ngarap perintah GPS seruran meri sukung tegut ngagai Opis Pelajar Nengeri (JPN) ba pengawa ngelala sekula ti patut diseleti lengkas.

“Sekula ti nerima empas berebak ari penusah ti nyadi baka penusah bah patut diberi perati lalu semua agih belanja ti diberi perintah nengeri patut dikena enggau manah lalu enda salah guna,” ku iya nyemetak.

Tampung iya, STU seruran tebuka ngatur aum enggau JPN sereta perintah nengeri dikena negapka agi pekara pelajar ba nengeri tu.

BERITA LAIN

BERITA TERBARU