PAGILA nyadi hari besai reti Kriztina Kantan laban hari bejadika kedai ayam bundle keterubah di Kuching, Sarawak.

Kriztina ke mega pengempu kedai madah, pagila deka nurai sejarah besai ngagai sida sebilik laban kedai utai kayam dikumbai ChingChing Bundle Collection dilanchar.

Ngepunka randau begulai enggau Suara Sarawak, endu Kriztina madahka ChingChing Bundle Collection ditumbuh ba pun taun 2017.

“Kami duai melaki bini bisi endar pengerindu sereta keran nguji ngangkatka diri ba pengawa dagang baka tu.

“Tu kira chara dirunding kami duai ulih dikena ngemansangka diri awak ulih besemekih enggau bala bukai.

“Lebuh berandau, dia kami duai teulihka runding ngepunka dagang ngambi ukai semina arapka tulung sereta bantu ari perintah aja,” terang Kriztina.

Nambahka nya ku Kriztina, sebedau muka kedai baka ke diatu, seduai udah suah enggau orang bejualka barang bundle.

Kedai sida tu ba begunan baru seberai Shell Taman Malihah, atas Malihah Café, niki tangga entara kedai R.A Mart enggau Malihah Café.

Nya alai, bala penguna tau ngelawa terus kedai tu tauka meda ba Facebook Pages @chingchingbundecollection.

Berita penuh Ruai 8 pagila.