ARTIKEL

NGABAS… Chukpai disempulang bala bukai udah ngabas taba penusah rumah panjai angus nya seraya nyuaka bantu ngagai peranak Blok B, Uma Nyaving.

Chukpai ngabas peranak Uma Nyaving

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

BELAGA: Kaban Kunsil Nengeri (ADUN) Murum, Kennedy Chukpai Ugon udah ngabas raban tasah angus ba Blok B, Uma Nyaving, Sungai Asap, Hari Satu tu tadi.

Chukpai mega udah nyuaka bantu tumu penyampau RM15,000 ngagai raban tasah angus dikena ngelempung tating penusah sida.

“Berasai sinu ninga berita pasal penusah rumah panjai angus tu, nya kebuah aku berumban ngabas seraya nyuaka bantu ti patut ngagai raban tasah angus tu.

“Aku ngarapka peranak Blok B Uma Nyaving liat ati napi penguji besai ti nuntung sida tu.

“Arapka mayuh agi raban bukai gerah jari mantu menyadi kitai di Blok B, Uma Nyaving ditu,” ku iya.

Taja pia, Chukpai berasai lantang ati laban nadai penusah bebadi nyawa nyadi taja pen sida semina tinggal gari ba punggung.

Iya mega meri besai terima kasih ngagai semua ke udah sikar lalu nyaup ngerara penusah angus ari nyerarai ngagai blok rumah panjai besemak.

“Terima kasih mega ngagai semua peranak ari Sungai Asap, Bomba Volunteer sereta raban Bomba enggau Penyah Penusah Pelilih Belaga.

“Terima kasih ngagai Komiti Penyangga Penusah Pelilih Belaga betuaika Pegawai Opis Pelilih Belaga enggau bakih strategik baka Polis DiRaja Malaysia (PDRM) Belaga, Bomba enggau Penyah Penusah Pelilih Belaga, Raban Penyaga Orang Periman (APM) Pelilih Belaga sereta ejensi perintah ti udah mantu raban tasah angus tu.

BERITA LAIN

BERITA TERBARU