ARTIKEL

TEMEGAH… Conallius Anelka begambar enggau bala pemekit bukai pengudah dipadu nyadi champion Panglima Babulang 2024.

Conallius Anelka champion Panglima Babulang 2024

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Conallius Anelka Hendrick ari Terumba, Limbang dipadu nyadi champion Panglima Babulang 2024 nyerumba Pengerami Babulang enggau Lumba Kerebau ti diatur 8 June tu tadi.

Conallius mujur ngalahka Hendry Cheang See Hong ari Pangkalan Gurah, Limbang enggau Faidly Aswandly Frederick ari Merasam, Limbang ti bulih lumur dua enggau lumur tiga.

Nengah penerang ba ruai Facebook Conallius Anelka, iya madahka diri chukup gaga lalu meri besai terima kasih ngagai Tuhan, ruang bilik, bakih sereta orang ti mayuh nyukung iya ngelama tu.

“Terima kasih mega ngagai ‘Panglima Babulang’ laban udah meri aku peluang tama pekit tu.

“Enggau awak tu, aku deka meri besai terima kasih ngagai semua raban pengatur Pekit Panglima Babulang 2024 ti seruran ngemuntang pengawa kami sebedau enggau maya bepekit,” ku iya.

Kelimpah champion pekit, Conallius mega menggi gelar Mr Popular, Mr Fitness enggau Mr Sikar.

“Mayuh penemu diambi aku lebuh tama pekit tu, lalu aku ngarapka nembiak rebak baru tauka anak ba menua ulih sama nguji tama pekit baka tu.

“Tu pekit ti chukup manah dikena kitai ngangkatka adat, main asal enggau mantaika penyelai bansa Bisaya,” ku iya.

Dulu ari nya, Sapit Menteri Pengangkut Malaysia ti mega Kaban Parlimen Limbang Datuk Hasbi Habibollah madahka Pengerami Babulang enggau Lumba Kerebau tu siti pelasar ti manah nyerakupka raban bansa Bisaya.

Ku iya, nya nyadi reta ti berega kelimpah adat asal ti patut diangkat nyadi produk dagang temuai ngambi ulih ngerembaika sosioekonomi raban bansa Bisaya ba timpuh panjai.

“Aku ngelalau semua raban bansa Bisaya ulih seati enggau pangan diri nentuka sada komuniti kitai nyarih didinga raban ti bekaul.

“Raban bansa Bisaya deka jauh tinggal enggau enda ulih besemekih enggau bansa bukai enti kitai pambar,” ku iya bejaku rambau Program Malam Main Asal enggau Beperindang serimbai Pengerami Babulang enggau Lumba Kerebau 2024 kena 7 June tu tadi.

BERITA LAIN

Nempa Sarawak nyadi tibang pemakai

TUSUN KETERUBAH MINAT Reynold anak Jacktola, 29, ti rindu agi dikangau Nol ba pengawa betanam betupi nya endang dikembuan iya ari mit laban iya datai

Tebing Sungai Saratok deka diseleti meruan

SARATOK: Perintah Sarawak deka nyeleti pengkalan ba seberai Pasar Saratok enggau jematan dikena ngelayang Sungai Paon. Kaban Kunsil Nengeri (ADUN) Kalaka, Mohamad Duri madah, sepenyampau

BERITA TERBARU

Perdana Menteri China akan lawat Malaysia

KUALA LUMPUR: Perdana Menteri China Li Qiang akan mengadakan lawatan rasmi tiga hari ke Malaysia dari Selasa hingga 20 Jun. Ini merupakan lawatan pertamanya ke