Covid-19 : Kami diatu berasai likun, nadai takut

Urung 120 iku Raban Soladau Malaysia (ATM) di Kuching nerima Vaksin Pfizer BioNTech Covid-19 ba Balai Bukavu Kem Penrissen Batu 8 ditu, kemari.

Brigedier Jeneral Azelan Abu Bakar
“Puji tuhan udah tuchuk vaksin aku berasai likun sereta lantang. Lalau aku ngagai mensia mayuh anang laun ngerejister diri ba aplikasyen MySejahtera ngambika program meri vaksin ulih dikemujur perintah. Ngarapka program tu ulih bejalai enggau manah.”

Left. Kolonel Mohd Omar Mohd Yusuf
“Aku berasai gaga udah nerima vaksin Covid-19. Nyadi siku ari raban terabai komuniti, vaksin tu chukup beguna lebuh kitai gawa awakka kitai likun. Semua orang patut bulih vaksin tu ngambika kitai ulih ngereja pengawa baka selama.”

Kolonel Abdul Jalil Ramli
“Aku udah nerima vaksin tadi (kemari). Aku ngarapka semua raban soldadu mansang ke mua nerima vaksin Covid-19 seraya ngintu diri empu enggau orang bukai. Vaksin tu siti ari chara kitai nyeliahka diri ari kena rampit Covid-19.”

Left Kolonel Mohd Fazali Udin, 51.
“Pengudah 15 minit nerima vaksin aku nadai ngasaika pemedis, kembai, sebening pala enggau tabin. Ba penemu aku vaksin tu likun, lalu aku ngelalau mensia mayuh anang takut nerima vaksin dikena kitai munaska pengerekai Covid-19.”

Suara Sarawak