KUALA LUMPUR: Kongres Serakup Pengereja Pengawa Perintah (Cuepacs) merambu ngambi haribulan mayar gaji ngagai pengereja pengawa perintah diberi tumu 14 April.
Presiden Cuepacs Datuk Adnan Mat madah, pekara tu ngambi orang gawa perintah ulih meli barang dikena nyikap diri ngintu Hari Raya Aidilfitri ti disadang diintu kena 22 April tu.
“Cuepacs pechaya perintah ulih ngatur pekara tu laban nya nadai ngaul proses ti mar kelimpah ulih ngemuntang orang gawa pengawa nya empu.
“Cuepacs mega ngelalau pengaji sektor peribit ngadu pengawa sebaka dikena nyaga pengelantang pengereja pengawa sida,” ku iya.
Nangkan nya, iya andalka bayar tumu tu mega nyengkaum Bantu Khas Aidilfitri penyampau RM700 ti ditaga dibayar seretai enggau hari gaji asal iya nya kena 17 April tu.
