Dagang nyadi batang pengawa

KUCHING: Bala nembiak diperansang chakah agi ngaul diri ba dagang lalu enda ngandalka kereja makai gaji aja.

Sapit Menteri Dagang Dalam Menua Enggau Pekara Bebelika Barang (KPDNHEP) Chong Chieng Jen madah, Program Pedagang Biak Komiti Serikat Malaysia (SSM) endang meri peluang ngagai nembiak ngaul diri ba dagang.

“Anang semina deka makai gaji tang kita patut ransing ati numbuhka dagang diri empu lalu ulih nyendia pengawa puang ngagai orang bukai.

“Tuju program tu endang deka ngiri penemu dunya dagang ngagai raban diselinting ngambika sida bisi pengangkun ngaul diri pengudah tembu belajar jemah,” ku iya.

Chieng Jen bejaku munyi nya lebuh bejadika Karnival Meli Barang Malaysia (KBBM) sereta Ngintu Hari Pedaja enggau Pedagang Mit (HPPK) Renggat Zon Sarawak diatur berengkah ari 18 nyentuk 20 Oktober di Padang MJC Batu Kawa ditu, tadi.