ARTIKEL

DAM chakah ngelati Jaku Iban

Facebook
Twitter
LinkedIn
WhatsApp
Telegram

MIRI: Gerempung Dayak Miri (DAM) ngatur Pekit Pidato Jaku Iban 2023 Trofi YB Senator Datuk Dr Nuing Jeluing serimbai Genap Taun DAM ti Ke-61dikena ngelatika Jaku Iban ngagai raban nembiak sekula ba Bagi Menua Miri.

Chairperson Komiti Pengatur Pekit, Alice Mathew Jawan madah, pekit nya diatur dikena ngelatika Jaku Iban seraris enggau jaku bukai ba menua tu.

Ku iya, pekit nya mega nyadi pelasar dikena najam ke agi runding nembiak ba pengawa bejuraika isu kemaya hari kelimpah nempa sida lanchar bejaku Iban.

“Tu nyadi pelasar dikena nempa nembiak tajam runding, pintar mutar sebarang isu, ngembuan penteba nyadi tuai, bisi pengandal ati ti besai ngagai diri empu sereta ransing besemekih ngena chara ti nemban.

“Pekara tu seraris enggau juluk DAM ti deka ngelati enggau ngangkat Jaku Iban ngagai tikas ti tinggi agi.

“Kebuah pia laban Jaku Iban nyadi jaku dikena kitai berandau ba pengidup besehari-sehari ukai semina ba bansa Iban aja tang etnik bukai.

“Baka Jaku Melayu, Jaku Iban nyadi siti jaku dikena ngempung rayat ba Tanah Kenyalang tu,” terang iya.

Iya madah, taja pen Jaku Iban udah berengkah dipelajar ba sekula enggau palan pelajar tinggi nyengkaum ba peresa perintah tang ukai reti nya Jaku Iban enda ibuh ditegap.

“Pekit Pidato Jaku Iban tu siti ari inisiatif kami dikena negap enggau ngelatika agi jaku tu ngagai raban nembiak,” ku iya nyemetak.

Ngelansa silik, pekit nya dibuka ngagai nembiak sekula Dayak ari Pom Empat nyentuk Pom Enam ba Bagi Menua Miri nyengkaum Subis enggau Baram ti landik bejaku Iban.

Bisi 20 penyereta ari lima buah sekula nyengkaum Kolej Tun Datu Tuanku Haji Bujang, Sekula Sekondari (SMK) Marudi, SMK Luar Bandar Miri, SMK Merbau enggau SMK Suai masuk pekit nya.

Renggat nyerenih pekit nya diatur kena 4 November tu tadi ba Ruai Francis Loke, Rumah Dayak Miri lalu semina 10 penyereta aja deka dipilih masuk renggat kepenudi ti deka diatur ba Auditorium Pustaka Miri kena 18 November tu ila.

Penyereta deka diserenih bala akim ti betuai ke Jonathan Bedinding sereta disempulang Kr Martin Dinil enggau Dr Nelson Tandang Edwin Unting.

LAIN-LAIN BERITA

Bakih strategik KGC deka ditambah

SARIKEI: Opis Menteri Pemansang Indu, Nembiak Mit enggau Pengelantang Komuniti Sarawak (KPWK) benung chakah ngatur pengawa sida ngambi mayuh agi premis nerima Kenyalang Gold Card

TYT Sarawak bulih gelar Pehin Sri

KUCHING: Tuai Pemegai Menua (TYT) Nengeri Sarawak, Tun Dr. Wan Junaidi Tuanku Jaafar udah nerima Darjah Utama Yang Amat Mulia Satria Bintang Sarawak (S.B.S) ke

KDJA ngerami 200 pengemeran media malam tadi

KUCHING: Lebih 200 iku pengemeran media dirami nyerumba Pengerami Makai Lemai Taun Baru China Gerempung Pemberita Bagi Menua Kuching (KDJA) malam tadi. Sekeda program bisi

Sistem belanja seikas menua maju

MIRI: Perintah Sarawak benung nungkap pengawa numbuhka sistem belanja ti seikas enggau menua ti udah maju ba rantau tu. Premier Sarawak Datuk Patinggi Tan Sri

BERITA TERBARU

Bakih strategik KGC deka ditambah

SARIKEI: Opis Menteri Pemansang Indu, Nembiak Mit enggau Pengelantang Komuniti Sarawak (KPWK) benung chakah ngatur pengawa sida ngambi mayuh agi premis nerima Kenyalang Gold Card

WBC 2024: 13 negara terawal sahkan penyertaan

KUCHING: Seramai 13 petinju dari negara berbeza telah mengesahkan penyertaan mereka untuk bersaing di Kejuaraan Tinju Dunia (WBC) 2024 yang dijadual berlangsung di Stadium Perpaduan,