ARTIKEL

Sapit Premier Sarawak, Datuk Amar Douglas Uggah Embas

Data profil genturung pendiau meseti betul

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

SERIAN: Semua tuai raban bansa enggau tuai rumah patut ngena data ke betul nitih ke nembiak redak sida empu nyengkaum profil genturung pendiau tauka rumah panjai.

Sapit Premier Sarawak, Datuk Amar Douglas Uggah Embas madah, pekara nya beguna endar ngambi muntang agi bejalaika bemacham program enggau projek pemansang perintah sereta aktiviti ungkup sida.

Ku iya, data nya mega ulih mantu ba pengawa meri bantu ngambi lanchar sereta nitih pematut.

“Taja pia, ngambi kita ulih bejalaika pangku pengawa diri enggau meruan, kitai meseti bisi penemu ke manah pasal perambu pemansang, polisi enggau program perintah ke bekaul.

“Udah nya kita tau madah ngagai nembiak redak diri nama bagi program tauka projek ungkup sitak kita. Enti nadai ngembuan penemu tu, kita enda ulih bejalaika pengawa diri enggau manah.

“Aku deka meri jamin Perintah Gempung Parti Sarawak (GPS) nemu ngenang timbal penemu enggau perambu kita pasal chara pemadu manah dikena ngemansangka nengeri tu,” ku iya.

Uggah bejaku munyi nya lebuh Pengerami Makai Lemai diatur Serakup Tuai Raban Bansa Iban Bagi Menua Serian enggau Tuai Rumah di balai raya, malam tadi.

Pengerami nya udah diatur betuai ke presiden serakup nya, Temenggong Datuk Harrison Lunsa.

Sama datai Menteri Pelajar, Inovasyen enggau Pemansang Penau, Datuk Sri Roland Sagah Wee Inn, Sapit Menteri Industri Pemakai, Komoditi enggau Pemansang Wilayah, Datuk Martin Ben enggau Sapit Menteri Dagang Temuai, Industri Kreatif enggau Seni Pemerindang, Datuk Snowdan Lawan.

Uggah madah baru, daya nya mega patut seruran dikemaru ngambi seriris enggau penerang pemadu baru ke bekaul.

BERITA LAIN

Bejimat pulai ke menua maya pemisi Gawai

KOTA SAMARAHAN: Sepenyampau 66 ketapu pengelikun udah disua ngagai mensia mayuh nyengkaum ketapu pengelikun ungkup nembiak mit ba jalai Palan Bedaja Kaunsil Mengeri Kota Samarahan

KGBS temegah GPN ungkup SPM 2023 bisi niki

KUCHING: Gerempung Pengajar Bumiputera Sarawak (KGBS) temegah laban nembiak ti bulih A ba peresa Sijil Pelajaran Malaysia (SPM) 2023 bisi nambah enti dibanding enggau taun

BERITA TERBARU

Projek pembangunan giat dijalankan di sekitar Debak

SARIBAS: Beberapa pembangunan di kawasan sekitar Daerah Kecil Debak telah dipergiat bagi memastikan kawasan tersebut terus menikmati kemajuan. Timbalan Menteri Pembangunan Wanita, Kanak-kanak dan Kesejahteraan Komuniti