Datai beperesa Covid-19 sapa kala ngulu penusah rabat di Rh Peter, Sg Selidap

BINTANGOR: Barang sapa ke kala ngesah penusah rabat di Rumah Peter Kilas, Kampung Perdana, Sungai Selidap ditu dipinta datai nganjung diri beperesa ngagai klinik pengerai besemak.

Nitihka jaku tesau ari Opis Pengerai Bagi Menua Sarikei kemari, bala mayuh ke datai ngesah penusah rabat kena 10 ngagai 12 March nyin tadi enda tau enda nganjung diri beperesa enggau jampat.

Nambahka nya, enti deka nemu penerang silik tauka deka betanya tau telefon nuju Opis Pengerai Meradong ba lumur 0196039365, Opis Pengerai Sarikei (0196038360) enggau Opis Pengerai Julau/Pakan (0196039593).

Nya alai, mensia mayuh dipinta meri kerejasama besaup nagang pengerekai igi penyakit Covid-19 tu.

Suara Sarawak