SERIAN: Papa Mookata Buffet ngelaluka mensia mayuh makai ba kedai nya seraya ninga sada nyawa penanyi tebilang Iban Pamelia David enggau Clemend Man kena malam tu (30 April).
Pengempu Papa Mookata Buffet Alex Yap Chen Yu madahka, dua iku penanyi tebilang tu dikangau merindang mensia mayuh ti datai makai seraya richah berandau enggau DJ Edward.
“Mayuh pemakai popular disediaka kami ditu, bisi steambot, chicken chop, mi kolok, sup, burger enggau ke bukai.
“Aku ngelaluka bala temuai datai makai kitu seraya beperindang enggau bala penanyi ti bisi datai,” ku iya lebuh dirandau Suara Sarawak, apin lama ke udah.
Ku iya, pengerami tu ila mega siti ari pengawa ngelakuka sekeda lagu dua iku penanyi nya baka lagu Takah Tiga Hari, Rumpas Langkau Temuda, Benih Pengerindu, Tempurung Rekung, Kumang Ku Timang, Mendam Ba Lubuk Ati enggau ke bukai.
“Aku ngarapka mensia mayuh enda ngelepaska peluang tu lalu sampal datai ngusung kedai kami.
“Pia mega, aku ngarapka temuai ti datai deka tepantup ati enggau bansa pemakai ti bisi dijual ba kedai Papa Mookata Buffet,” ku iya.
Kelimpah bedagang ninting hari, Papa Mookata Buffet mega bisi nyendiaka servis nyumai pemakai dikena ngintu hari pengada enggau makai bebala mayuh.
Kedai ti dibuka kena 28 Disember 2020 nya diatu ngembuan semilan iku pekereja lalu dibuka berengkah pukul 7 pagi nyentuk pukul 11 malam.
Alex (tiga kiba) begambar enggau bala staf iya.
