ARTIKEL

Deka disikap bekal kuasa karan

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

BAU: Opis Menteri Dagang Temuai, Industri Kreatif enggau Seni Pemerindang deka mantu Palan Pesaka Bung Bratak disambung bekal kuasa karan.

Menteri nya, Abdul Karim Rahman Hamzah madah, palan pesaka nya beoperasyen ngena dua injin api chukup ngenyinu ke ati.

Ku Karim, iya pechayaka perengkaguna baka bekal kuasa karan, bekal ai enggau arus penyambung entara pekara besai ti meseti disedia ba palan dagang temuai nya diatu.

“Taja nya ukai di baruh opis menteri aku tang aku naka ulih ngemujurka pekara tu enggau Opis Menteri Utiliti enggau Komunikasyen.

“Kitai chukup malu laban nya palan ti suah ditapatka bala pengusung sekali ke pengusung menua tauka temuai menua luar,” ku iya nyemetak.

Karim nibar jaku nya lebuh bejadi Hari Bung Bratak, Hari Satu tu tadi.

Nya kebuah, iya deka nentuka palan pesaka nya disikap bekal kuasa karan enggau naka pengelengkas. Terang iya, nya engka berindik ari Perintah Besai ti nyaup nyendiaka perengkaguna enda berati pekara tu.

“Aku tekenyit laban Perintah Besai ti datai nyaup numbuhka palan tu tang enda nyendiaka bekal kuasa karan.

“Enti Perintah Besai udah nyendiaka palan tu, aku pechaya perengkaguna nya ulih disedia Perintah Sarawak,” terang iya.

Lebuh bejaku, Chairman Palan Pesaka Bung Bratak, Datuk Peter Minos minta Opis Menteri Dagang Temuai, Industri Kreatif enggau Seni Pemerindang mantu Palan Pesaka Bung Bratak nyendia bekal kuasa karan.

Ku iya, Opis Kereja Raya (JKR) ti numbuh palan pesaka nya ngena agih belanja Opis Menteri Dagang Temuai, Seni enggau Main Asal tang nadai nyendia bekal kuasa karan.

Ku Peter Minos, iya ngadang bekal kuasa karan disambung nengah Sesco tauka Sarawak Energy, tang semina disikap dua injin api.

“Bekal kuasa karan nya suah tejanggal, tambah mega mar enggau inggar.

“Lebuh ex-menteri Sarawak, Datuk Amar Michael Manyin datai kitu, bekal kuasa karan suah tejanggal lalu tu ngasuh kami malu,” terang iya.

Iya madah baru, bekal kuasa karan beguna amat ba Palan Pesaka Bung Bratak laban penatai pengusung udah nambah kenyau ari taun 2016.

Nya alai, Peter Minos minta Karim mantu ngenataika peminta nya ngagai Premier Sarawak Datuk Patinggi Tan Sri Abang Johari Tun Openg tauka nuju Opis Menteri Utiliti enggau Komunikasyen.

Sama datai Sapit Menteri Pengangkut ke mega Adun Tasik Biru, Datuk Henry Harry Jinep, Adun Serumbu Miro Simuh, Adun Opar Billy Sujang enggau Kaban Parlimen Mas Gading, Mordi Bimol.

BERITA LAIN

Dua pendam lama di Song disengkubang

SONG: Dua pendam Iban ditu udah disengkubang orang nadai tanggungpengawa ba penusah diripot nyadi kena 20 enggau 22 Mei tu tadi. Tuai Polis Pelilih Song,

Kaul komuniti Dayak meruan teguh

LUNDU: Penyerakup komuniti Dayak diatu chukup teguh taja ari bemacham raban etnik, ku Sapit Premier, Datuk Amar Douglas Uggah Embas. Iya ti temegah beratika pekara

BERITA TERBARU