Deka mantu, ukai ngerampas tanah

SRI AMAN: Rayat menua pesisir dilalau enda alah ajum piak ti ngenggaika Perintah Sarawak lebuh bejalaika pengawa nyukat kelingi tanah Adat Bansa Asal (NCR).

Sapit Kepala Menteri Datuk Amar Douglas Uggah Embas madah, pengempu tanah NCR meseti nemu perintah nyukat kelingi tanah komunal nitihka Seksyen 6 Kanun Tanah Negeri (KTN) sebedau surat pala tanah dikeluar di baruh Seksyen 18 KTN.

Terang iya, Perintah Sarawak udah ngagihka belanja RM42 juta dikena bejalaika pengawa nyukat kelingi tanah NCR taun tu.

“Agih belanja ti dikemendarka Perintah Sarawak ungkup program nyukat kelingi tanah NCR nya inisiatif baru tu nunjukka Perintah Sarawak deka mantu rayat ngempu geran tanah ti sah.

Suara Sarawak