ARTIKEL

Delta Sarawak ditempa nyadi UGGp

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Pengawa peranak ditu ti chakah ngambi bagi enggau seruran nyukung nyadi inisiatif beguna dikena nempa Delta Sarawak ngembuan status Geopark Global UNESCO (UGGp).

Sapit Premier Sarawak, Datuk Amar Awang Tengah Ali Hasan madah, ambi ke chunto, UGGp Pulau Jeju nyadi chunto geopark.

Ku iya, pemujur nya ulih dikeamat lebuh komuniti dia chakah bejalaika bemacham aktiviti geopark nengah pengawa negap penyerakup rama.

Iya madah, nya meh pekara dipejalar bala deligit Sarawak ti betuai ke iya empu rambau ngatur penemuai ngagai Korea Selatan empai lama dikena ngelala insiatif dipejalaika menua nya dikena ngatur UGGp Pulau Jeju enggau nyulut.

“Pengawa ngaul komuniti lokal ba pengawa ngaga pemutus ulih narak pengasai ngempu enggau temegah ba sida empu dikena nempa penyulut geopark timpuh panjai enggau meruan,” ku iya ba sebengkah penerang sehari tu.

Awang Tengah ti mega Menteri Dagang Antarabansa, Industri enggau Beranakka Puku (MINTRED) sereta Menteri Pemansang Mengeri enggau Pengeraja Asal Kedua (MUDENR) madah, pengawa ngaul komuniti lokal ba pengawa nya beguna amat lalu ulih dipejalai nengah bemacham program meri penyedar.

Pia mega, ku iya, ejensi bekaul ulih ngaga mayuh program beguna dikena narak pemereti ati, nerima enggau ngaul komuniti lokal.

“Nya alai, perintah beguna ke sukung komuniti ti tegap, kerejasama bala tuai, struktur atur ti ngasi, polisi ungkup pemansang meruan sereta jalai cherita ti manah ungkup produk geo-dagang temuai.

“Ba pekara tu, kitai patut ngemansangka pelin atur komprehensif dikena mutar guna ekonomi rama komuniti lokal kelimpah nyemela pengawa nyaga sereta ngintu taba geo dikena nempa penyulut enggau pemeruan geopark,” ku iya.

BERITA LAIN

Pengelanchar kuasa karan sepanjai Sukma dijaga

KUCHING: Opis Menteri Utiliti enggau Telekomunikasyen deka nentu bekal kuasa karan sepanjai Lumba Malaysia (Sukma) XXI 2024 ti deka diatur ba Sarawak lanchar. Sapit Menteri

BERITA TERBARU