ARTIKEL

NARIT ATI… Sekeda jelu ti bisi dalam dero ‘Flora and Fauna of Borneo’.

Dero ‘Flora and Fauna of Borneo’ dipandang ba Galeri Hoan

Facebook
Twitter
LinkedIn
WhatsApp
Telegram

KOTA SAMARAHAN: Sebuah dero ngena pejuluk ‘Flora and Fauna of Borneo’ pemanjai 9.84 meter bisi dibantaika ba Galeri Hoan, La Promenade.

Dero nya diempu Bong Shin Siong, 58, siku peranak asal menua Lundu ti minat nero ari mit.

Ngelansa pasal ‘Flora and Fauna of Borneo’, Shin Siong madahka iya ngambi awak setaun lebih nembuka dero nya ketegal bisi ngadu pengawa bukai baka nyaga kedai enggau nero ukir bukai.

“Enti aku semina ngadu dero tu aja, dalam tujuh bulan engka ulih tembu tang laban bisi belega laban aku ngadu pengawa bukai.

“Minat nero endang diambi ari niang apai (niang Bong Sho Min), laban apai aku landik nero ukir lama bansa China,” ku iya lebuh dirandau pemberita ba Galeri Hoan di La Promenade Mall ditu, tadi.

Tandu Shin Siong, iya enda kala nyual semua dero ti digaga iya empu tang endang suah meri dero iya ngagai bala bakih baka bakih ari menua Jerman, Australia enggau menua bukai.

“Aku nemu Galeri Hoan tu laban sida ngiga penerang niang apai ke Lundu din ketegal deka nemu silik pasal dero iya.

“Udah nya, sida meda dero ti bisi dilekat ba dinding rumah aku din, ari nya sida minta aku nero,” ku iya.

BERITA LAIN

BERITA TERBARU