ARTIKEL

NGABAS… Uggah enggau Dr Richard ngabas penusah tanah tusur ba SK Nanga Tiga.

Direktor pelajar bisi kuasa ngemendar projek sekula ti dipelanja perintah nengeri enggau raban bukai

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

SPAOH: Sapit Premier Sarawak, Datuk Amar Douglas Uggah Embas mantaika pengaga ati diri bekaul pemutus meri kuasa ngagai direktor pelajar nengeri ngemendar projek sekula ti dipelanja perintah nengeri tauka raban bukai kelimpah ari Perintah Besai.

Iya madah, inisiatif nya deka meri pemaik ngagai pengari rayat ti bejalaika projek nyeleti sekula.

Uggah mansutka jaku nya rambau nyuaka bantu 940 kantung sekula ngagai bala nembiak ba tujuh buah sekula ba Bukit Saban ditu, kemari.

Program Pulai Ke Sekula nya dipelanja Kaban Parlimen Betong, Dr Richard Rapu.

Empai lama, Kaban Kunsil Nengeri (ADUN) Bukit Saban nya mantaika pengirau ati diri laban sebedau tu projek bekaul sekula meseti bulih pemendar ari Opis Menteri Pelajar Malaysia (KPM) ba Putrajaya.

Ambi ke chunto, ku iya, sebedau tu bisi siti kes bekaul pengawa meri bantu berapa unit aircond ungkup balai sekula berebak ari peminta prinsipal ba sekula nya.

Iya madah, pengudah dianjung ke sekula, bantu aircond nya disimpan ba stor sekula sereta enda terus dipasang ketegal nganti pemendar ari KPM.

“Aku chukup gaga enggau pemutus tu laban kitai (pengari rayat) endang semampai nyikap diri mantu sekula.

“Kebuah pia laban kitai meda pelajar tu beguna amat ungkup rebak biak dikena sida nyikap diri napi pemar dudi hari.

“Kitai bisi sekeda agih belanja pemansang ti diberi ngagai Ejensi Pemansang Bagi Menua Betong.

“Agih belanja tu ulih dikena mantu sekula kelebih agi bekaul peminta ngenyit,” ku iya.

Pemutus nya udah dikenuku ba Aum Komiti Pengatur Begulai Pemansang Pelajar Sarawak ba Kuching ditu, empai lama.

Aum nya betuaika Menteri Pelajar Malaysia, Fadhlina Sidek sereta digulu Menteri Pelajar, Inovasyen enggau Pemansang Penau Sarawak, Datuk Roland Sagah Wee Inn.

BERITA LAIN

Mayuh bantu ngubah pengidup rayat

DEBAK: Bemacham bansa bantu diberi perintah dikena ngubah enggau nyaga pengelantang rayat. Sapit Premier Sarawak, Datuk Amar Douglas Uggah Embas madah, nya nentuka rayat bulih

Gaji niki nipakka inflasyen

KUCHING: Perintah Besai dipinta nyemela pengawa nikika gaji nipakka tikas inflasyen ngambi pekara tu enda meri empas ngagai rega barang niki ti ngasuh atur nikika

BERITA TERBARU