Diriman empat hari ngasu ngena senapang nadai lisin

MUKAH: Siku kaban polis PDRM Mukah, SI Ismail Roseri udah nerima ripot ari mensia mayuh ari Kampung Judan Mukah ke alai peranak nya udah ngetan tiga lelaki ti ngasu ba kampung ngena senapang patah digaga sida empu.

Nitihka penerang nya, sida ngasu ba jalai tama ngagai ladang Sawit Sungai Nape Mukah ditu.

Ketuai Polis Pelilih Mukah, DSP Jimmy Panyau madah, orang ti madahka pekara nya ti mega peranak ari Kampung Judan begulai enggau seraban polis udah nangkap ketetiga saspek nya.

Terang Jimmy, semua saspek ti ditangkap nya beumur entara 31 ngagai 53 taun.

“Entara keresa ke dirampas iya nya siti senapang patang ti bisi lisin tang senapang orang bukai enggau senapang patah digaga sida empu.

Kes tu dipansik di baruh Seksyen 8 (a) Akta Senjata 1960 laban ngembuan senapang digaga diri empu enggau nadai lisin.

Nya alai, semua saspek udah ditan riman pengelama empat hari nyentuk 13 Mei tu.