MUMBAI: Empat lelaki ba nengeri Maharashtra, India ditan ketegal didawa masung siku menarat Bengal ba sebuah palan nyaga jelu remaung.
Ba menua nya, jelu menarat dipasuk ba rintai jelu dijaga ba baruh Akta Perlindungan Hidupan Liar India 1972.
Pekara nya ditemu pegawai ejensi kampung pengudah meda video keempat saspek masung menarat nya ba sebuah telefon binching siku saspek.
Keempat saspek mujur ditan nengah bantu CCTV ti bisi diengkah ba Palan Nyaga Remaung Sahydari dia.
Perengka bukai ti bela dirampas baka senapang dikena bejalaika pengawa ngasu belalai, bateri enggau dua motosikal.
Enti dikenuku salah ba baruh Akta Perlindungan Hidupan Liar, semua saspek ulih diukum jil tujuh taun.
