ARTIKEL

DAGANG ANAK IBAN… Luke nunjukka produk Ikan Sultan Masin ari D’liak Food.

D’liak Food ngining makit antarabansa

Facebook
Twitter
LinkedIn
WhatsApp
Telegram

ISABELLA INCHANG
suarasarawak.sv@gmail.com

PENEKUL ketegal Atur Mindah Betagang (PKP) udah nukang ke pintu peluang ti besai ngagai Luke Walter John ngepunka dagang pemakai ti nyamai.

Ku Pemungkal D’liak Food asal ari Kanowit nya ngepunka randau, iya ngepunka dagang nyual pemakai tu kenyau ari taun 2021.

“Nyangka ba semua kitai, PKP ti diterit udah nekul semua pejalai mindah ngagai endur bukai.

“Tang bisi nya meri peluang ti chukup besai baka diasai aku. PKP udah meri peluang enggau buah runding ngepunka dagang kediri empu.

“Taja ukai baru ba dunya dagang tang pengekih ngepunka lisin dagang udah ngubah pengidup kami sebilik.

“Kebendar, aku kala nyual lia chara borong lalu nyau berunding ga aku, seraya ke udah bejual manah digaga ke chap dagang sekali.

“Aku milih nama chap dagang ‘D’Liak’ nya ari urup nama kami semenyanak,” ku iya nerang tuju milih nama chap dagang nya.

PRODUK BEKUALITI… Premier Sarawak, Datuk Patinggi Tan Sri Abang Johari Tun Openg beratika pemanah kualiti produk ari D’liak Food.

IKAN SULTAN

Ngenang silik, Luke madahka iya nyual bemacham bansa pemakai tang produk ti tebilang nya produk Ikan Sultan Masin.

Baca lain  Telaga Ai manah diangkat nyadi produk dagang temuai menua

Produk bukai ti dijual baka ikan keli salai, kasam ikan sultan enggau ikan patin, achar timun, kasam ensabi enggau ke bukai.

Bisi mega nyual pemakai basah baka manuk tuai enggau ikan sultan ba Kanowit.

“Enti bisi peminta, kami deka nganjung ngagai rumah enggau rumah panjai,” ku iya nerang pandak.

Nyau ngenang baru pengawa numbuhka dagang, ku Luke, sebedau tu iya mai e-hailing tang ketegal PKP semua nya enda dikereja enggau ditagang sementara.

“Meda baka nya, kami duai bini aku berunding siti dagang ke ulih digaga ari rumah.

“Seninjik amat kala makai ikan sultan masin diberi bala suba lalu nguji ngaga.

“Terubah nyual, bisi 10 iku meli lalu berengkah ngaga produk nya.

“Sebedau ngepunka dagang tu, kami duai sigi kala bejual nyambil taja agi gawa lebuh nya.

“Pengudah nadai agi, berengkah bedagang lalu muka lisin dagang ba taun 2021,” ku iya.

BERI KE NUAN… Sapit Premier Sarawak, Datuk Amar Douglas Uggah Embas nerima tepa produk Ikan Sultan Masin.

ARAP DAGANG MAJAK DIKELALA

Nampung randau dalam agi, Luke madah, misyen D’liak Food ditumbuh endang deka mai pemakai lokal ngagai tikas ke tinggi agi sereta ngerembai makit pemakai ngagai menua bukai.

Baca lain  Rebak baru diperansang bekebun lada

“Enti ditanya juluk ba industri pemakai tu, sigi ngining makit antarabansa ngambi produk Sarawak majak dikelala dunya.

“Aku mega ngarapka chap dagang D’liak Food ulih besemekih enggau chap dagang bukai.

“Sebedau nyimpul randau tu, aku meri terima kasih ngagai Opis Betanam Betupi Sibu enggau Kanowit, Gerempung Orang Bumai, Kaunsil Pemansang Ekonomi Digital Sarawak ti udah ngembing aku nyadi pedagang nyentuk diatu.

“Sama besampika produk Sarawak ulih rembus ngagai makit lokal enggau antarabansa nunjukka kualiti produk kitai manah,” ku iya nyimpul randau.

NYAMAI… Produk Ikan Sultan Masin ari D’liak Food.

BERITA LAIN

Tim Segak FC nyulut

KUCHING: Tim Segak FC mujur ngempu gelar champion ba Pekit Main Bol Empat Penjuru Trofi Segak FC 2024. Tim ti mayuh dipilih nya mujur ngalahka

Kelas ngajat deka diatur enda lama agi

SAMARAHAN: Serakup Dayak Bukit Kelingkang (DBK) Pampang Melikin begulai enggau Kebudayaan Dayak Bumi Kenyalang (KDBK) deka ngatur Kelas Ngajat Renggat Ke-14 ba Samarahan enggau Serian.

BERITA TERBARU