ARTIKEL

Dokumentari Kor Rejimen Renjer Diraja dipandang nyerumba Hari Kebangsaan

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Sebuah dokumentari bekaul enggau pemujur raban Kor Rejimen Renjer Diraja ti berambaika jaku ‘Agi Idup Agi Ngelaban’ ngetanka menua kelia udah mujur dipandangka ngagai mensia mayuh.

Pengawa mantaika dokumentari tu asil kerejasama Gerempung Veteran Soldadu Kor Renjer (PVTKR) begulai enggau Unit Protokol ba Opis Kepala Menteri nyerumba pengerami ngintu Hari Kebangsaan Renggat Nengeri Sarawak, malam tadi.

Pengelama dokumentari tu dipandangka urung 15 minit dikena ngingatka baru baka ni pengeransing raban Bujang Berani berambun nyawa ngetanka menua ari kena keruga raban munsuh.

Berebak enggau nya, Presiden PVTKR Lt. Kol (B) Mohd Melintang Abdullah madah pengawa mandangka dokumentari tu mega chukup manah laban seriris enggau penumbuh PVTKR dalam nampung pengawa Kor Rejimen Renjer Diraja.

“PVTKR meri terima kasih ngagai unit protokol nengeri laban udah meri awak endur mandangka dokumentari tu sereta bekunsika pemujur Rejimen Renjer dalam ngetanka penglikun menua,” ku Melintang.

Entara kaban PVTKR ke bela bisi datai ngulu pengerami tu iya nya Lt. Jeneral (B) Datuk Stephen Mundaw, Lt.Kol (B) Linus Lusong, Lt. Kol (B) Fabian Wong, Mejar (B) Sharkawi Haji Dawi, Mejar (B) PGB Micheal Riman Bugat, Lt (B) PGB David Foo, PW I (B) Adi Jala, PW II (B) Keliment Nyapong, PW II (B) Abang Bolhi Abg Dohaldi, Sarjan (B) PGB Dajai Anggie enggau Kpl (B) Ali Amit.

BUJANG BERANI…Entara raban PVTKR ke bisi datai ngerichahka pengerami Hari Kebangsaan Renggat Nengeri Sarawak ke diintu malam tadi.

BERITA LAIN

Nempa Sarawak nyadi tibang pemakai

TUSUN KETERUBAH MINAT Reynold anak Jacktola, 29, ti rindu agi dikangau Nol ba pengawa betanam betupi nya endang dikembuan iya ari mit laban iya datai

Tebing Sungai Saratok deka diseleti meruan

SARATOK: Perintah Sarawak deka nyeleti pengkalan ba seberai Pasar Saratok enggau jematan dikena ngelayang Sungai Paon. Kaban Kunsil Nengeri (ADUN) Kalaka, Mohamad Duri madah, sepenyampau

BERITA TERBARU