ARTIKEL

Dokumentari pasal 10 iku bujang berani ari Sarawak deka dipandang ba TVS

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Dokumentari Bujang Berani deka dipandangka maya Hari Sarawak kena 22 Julai tu ila deka ngayanka sepuluh iku bujang berani ti ada ba Sarawak.

Direktor Bujang Berani Yusman Ghazali madahka iya ngarapka dokumentari tu ila deka nerima timbal ti manah ari orang ti meda.

“Aku milih dokumentari tu laban deka ngingatka jasa bujang berani kelia ti udah berambun nyawa nyaga menua kelebih agi sida ti ngetanka menua tu.

“Lebuh kitai nemu pasal sida, kitai deka lebih ngenang jasa sida iya baka raban terabai menua ti berambun nyawa ngelaban Covid-19 diatu,” ku iya.

Yusman bejaku munyi nya ba aum media zoom TVS ke diatur, kemari.

Ku iya, Bujang Berani sebuah dokumentari pasal biografi bujang berani Sarawak ti ngembuan enam iti episode.

“Siti episod 30 minit, lalu kami ngayanka jeman pemadu mar dalam sejarah lebuh ngetanka menua iya nya maya darurat.

“Lebuh nya, Malaysia napi dua bansa penanggul keruga komunis.

“Keruga komunis ti keterubah iya nya nyadi di Semenanjung Malaysia keruga Parti Komunis Malaya ari taun 1968-1989, lalu keruga ti kedua iya nya keruga Parti Komunis Kalimantan ti nyadi di Sarawak ari taun 1962-1990,” ku iya.

Tandu Yusman, tuju dokumentari tu digaga endang deka ngayanka kisah patriot Sarawak ti megai tanggungpengawa besai lebuh betempur jeman komunis menya.

“Bisi enam episode dokumentari tu iya nya Penjejak Iban, Pengakap Sempadan, Pasukan Gerak Khas Komando, Pasukan Polis Hutan, Batalion Pertama Rejimen Bridger Diraja enggau Batalion Ketiga Rejimen Bridger Diraja.

“Taja pia, semua bujang berani meh bintang ke bendar dalam dokumentari tu, agi mayuh sida ba luar din ti bedau ditemu kitai.

“Bisi sepuluh iku bujang berani disebut dalam dokumentari tu ke alai ari 10 semina empat iku aja ari sida agi idup,” ku iya.

Yusman madahka, dokumentari nya dikeandalka iya ulih diterima mensia mayuh laban endang digaga iya ungkup rayat Sarawak.

BERITA LAIN

BERITA TERBARU