Dr Jerip dikelalu masuk SUPP

KUCHING: Parti Sa’ati Rayat Sarawak (SUPP) endang ngelaluka Datuk Dr Jerip Susil nyereta parti pengudah iya madahka diri pansut ari Parti Sarawak Bersatu (PSB) Hari Empat tu tadi.

Menteri Kaunsil Kandang Menua Datuk Prof Dr Sim Hui Kian madah iya endang ngelaluka enti Dr Jerip deka nyereta SUPP baru.

“Baka ti dipadah aku ngelama tu, semua kaban SUPP ti kala ngebuka diri ari SUPP endang dikelalu masuk baru dalam parti tu.

“Ba pekara seati dalam Sarawak, begulai sama sereta begempung nyengkaum politik pintu endang telenga ngagai sida,” ku iya.

Sim bejaku munyi nya lebuh ditanya pemberita ba ‘Festival MIND & STEM 2019’ ba Sekula Chung Hua Tengah No 1 ditu, kemari. ABIS.. SUPP 1 Datuk Prof Dr Sim Hui Kian.