Dua iku orang tesat ba Sungai Amang udah ditemu

KAPIT: Dua iku orang ke diripotka tesat ba kandang menua Sungai Amang ditu udah mujur ditemu urung pukul 8 malam tu tadi.

Nitihka penerang ari kaban Balai Bomba enggau Penyah Penusah Kapit, PBK II (KUP) Budiman madah, siku ari orang ke tesat nya mujur ditemu bala bakih iya emou sebedau raban bomba datai.

“Siku ari orang ke tesat nya ditemu bala bakih iya empu ba tebing sungai sebedau bala bomba datai ngesah.

” Pengudah bala Bomba datai, sida udah nemu endur siku agi orang ke tesat nya ba menua Sungai Amang tang orang nya enda berani bejalai pulai laban gaya hari udah petang sereta enda tentu nemu kuing menua nya,”ku iya seraya madah penalam ai Sungai Amang kira maras punggung.

Tandu Budiman, raban bomba betubuh empat terus ngelawa palan lelaki nya kira 2 kilometer penyauh ari Palan Jaga Bomba (PKB).

Raban bomba mujur mai lelaki nya pansut ari babas urung pukul 9.21 malam.

Lelaki ke kepenudi ditemu nya diripotka gerai lalu udah dianjung betemu enggau sida sebilik.

SELAMAT… Orang ke diripot tesat nya udah dibai raban bomba pulai enggau selamat.

Suara Sarawak