Dua kes baru positif Covid-19 di Sarawak

KUCHING: Sarawak sehari tu ngerikod dua kes baru positif Covid-19 ngujungka lalu penyampau semua kes postifi naka tu bisi 555 kes.

Kes positif tu mega datai ari Pelilih Kuching enggau Samarahan.

Komiti Penyangga Penusah Ngenyit Nengeri (JPBN) madah, bisi siti kes baru ti udah suman enggau pansut ari Sepital Besai Sarawak (SGH) ngujungka bisi 524 iku tauka 94.41 peratus udah suman ba Sarawak.

Bisi 26 kes Pesakit Dipelaba Kena Rampit (PUI) enggau 17 kes agi nganti pemutus peresa makmal.

Sehari tu bisi 5,867 peminta pejalai mindah entara pelilih diterima ari 28 buah Indu Opis Pelilih Polis DiRaja  Malaysa (PDRM) ngujungka Sarawak diatu udah nerima 121,747 peminta.

Ari penyampau nya, 112,102 peminta udah dikemendar enggau 9,645 ditulak.

Raban pematau udah matau ngagai 1,853 palan iya nya palan bebelika barang (308), Restoran (365), kilang (35), Bank (195), opis perintah (90), pedaja (26), pasar tani (125), palan besembiang (125), endur ngelantangka ati (59), taba projek (23) enggau palan bukai (502).