Dua menyanak bebadi nyawa ngelantak pun sawit

LUBOK ANTU: Siku pengajar, 39 taun, enggau anak lelaki iya beumur empat taun bebadi nyawa ba penusah bebadi ba jalai alun di KM8 Jalai Lubok Antu-Engkelili, ditu pagi tadi.

Ketuai Opis Pansik enggau Penerit Adat Trafik Sarawak Supt Alexson Naga Chabu ngenukuka penusah nya madah, sebuah kerita bansa Perodua Myvi tepawah ke madang sawit urung pukul 9.40 pagi.

Ku iya, deriba benama Nagie Ali enggau anak iya, Kingston Bidok Philip parai tekala nya seraya siku agi anak indu iya beumur semilan taun semina bakal mimit.

“Penusah tu nyadi lebuh ba rantau jalai ari Lubok Antu ke Engkilili sebedau tepawah lalu ngelantak pun sawit sepiak kanan jalai tunga Engkilili.

“Berindik ari penusah nya, deriba enggau siku penumpang parai tekala nya seraya siku agi penumpang semina bakal mimit,” ku Alexson nerang.