Dua nembiak SK Temong ke nyulut patut diberi insentif khas, sekularship

KUCHING: Insentif khas sekali beri ngagai dua iku nembiak Primari Lima, Sekula Primari (SK) Temong ke menang Anugerah Filem Terbaik Juri (Kategori Sekula Primari) di Brazil apin lama ke udah patut diperunding.

Kaban Parlimen Serian, Datuk Seri Richard Riot Jaem merambu Macgres Sawet enggau Nabiatul Dania Zulfiqa Mohd Zulfadhli mega patut diberi sekularship.

Ku iya, insentif khas enggau sekularship tu kelai kitai ngaku pemujur enggau ngenang pemesai jasa seduai ngemegahka nama menua.

“Aku meri tabi puji ngagai SK Temong, sebuah sekula primari ba menua ulu di Serian laban udah ngemegah nama menua ba tikas dunya.

“Siku nembiak nya ari raban bansa Bidayuh enggau siku agi bansa Melayu lalu tu mandangka penyerakup pupu bansa ba Sarawak mengkang tegut,” ku iya.

Riot ti mega Duta Khas Menteri Besai Ke Jipun, Korea Selatan enggau Taiwan madahka perambu nya udah dibantai lebuh diberi peluang bejaku rambau Menteri Pelajar, Dr. Mohd Radzi Md Jidin nyimpul jurai ba Aum Parlimen, ditu kemari.

Datuk Seri Richard Riot Jaem

Suara Sarawak