ARTIKEL

NADAI PENYADI… Entara pendam disengkubang bandau buk chelum di Tanah Pendam Iban Nanga Serian, Sungai Iran, Song.

Dua pendam lama di Song disengkubang

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

SONG: Dua pendam Iban ditu udah disengkubang orang nadai tanggungpengawa ba penusah diripot nyadi kena 20 enggau 22 Mei tu tadi.

Tuai Polis Pelilih Song, DSP Rowney Michael Jalak madah, ba kes keterubah kena 20 Mei, dia enam iti pendam di Tanah Pendam Iban Nanga Engkabau udah disengkubang.

“Kena 20 Mei tu tadi, urung pukul 6 pagi di Tanah Pendam Iban Nanga Engkabau ditu, orang ti ngaga ripot tetemuka sekeda pendam udah disengkubang.

“Kebuah iya berani madah munyi nya laban bisi bekau kerumbak ba sekeda pendam dia lebuh iya enggau peranak bukai nganjung lalu numbakka siku ari peranak dia ke udah midang ke pendam nya.

“Taja pia, iya ngaga ripot polis di Indu Opis Polis Pelilih (IPD) Song kena 22 Mei pukul 9.34 pagi,” terang Rowney nengah sebengkah penerang kemari.

Berindik ari ripot nya ku iya, raban polis udah bejalaika pansik ngagai endur penusah nyadi ti semina ulih dilawa nengah jalai ai aja enggau penyauh tanah pendam nya ari Pasar Song urung sejam pejalai merau.

“Bisi enam iti pendam udah disengkubang, empat pendam indu enggau dua pendam lelaki, ke alai kitai bisi tetemuka bekau tanah dikerumbak muak ke tisi, kaki enggau pala.

“Kelimpah ari nya, kerimpak semin pendam ke dipalu ngena utai kering mega bisi betegaring dia.

“Nya tanah pendam lama ke udah bisi kenyau ari taun 1980. Kepenudi peranak dia bisi ngabas pendam nya kena 13 April 2024 lalu penusah nyengkubang pendam ditemu nyadi kena 20 Mei tu tadi,” terang iya lenak.

Nitih ke penerang ari kaban belayan sebayan kena sengkubang ku Rowney, sida ke ditumbak nya ngemai baya berega baka emas nyengkaum tinchin, gelang, marik enggau antin emas tang enda nemu sekalika baya nya diambi orang tauka enda ba penusah nya.

Iya mega madah, penyampau pengerugi enda ulih ditentuka laban kaban belayan enda ulih ngenukuka ni bagi utai ke lenyau ba sebayan dia.

“Pengerugi ke nyata dipeda iya nya struktur pendam nya rusak ketegal dipalu tauka dipenyati,” ku iya.

Ba sebengkah da kes pendam disengkubang di Tanah Pendam Iban Nanga Serian, Sungai Iran, Rowney madah ke penusah nya nyadi kena 22 Mei tu tadi.

“Kena 22 Mei 2024, urung pukul 8 pagi, orang tin gaga ripot enggau sekeda peranak menua nya ngabas tanah pendam lalu tetemuka sekeda pendam udah disengkubang laban bisi bekau dikerumbak orang.

“Orang nya udah nya ngaga ripot polis di IPD Song ba hari ke sama, 22 Mei, pukul 3.53 ngalih hari,” terang iya.

Udah nya ku Rowney, seraban polis diasuh ngabas enggau meda gaya utai ke nyadi ngagai endur penusah urung 30 minit pejalai ari Pasar Song ngena perau panjai.

“Kami bisi tetemuka enam pendam udah disengkubang ke alai lima pendam indu enggau siti enggi lelaki, ke alai bisi lubang kena kerumbak muak ari tisi, kaki enggau pala nyengkaum kerimpak semin ke dipalu.

“Tanah pendam tu endang pendam lama, ditumbuh kenyau ari taun 1940an. Kepenudi orang menua ke empu pendam nya ngabas kena 24 April 2024.

“Penusah nyengkubang pendam ditemu nyadi kena 22 Mei tu tadi lebuh orang ti ngempu ripot enggau bala bukai nganjung antu kia,”

“Kededua kes tu deka dipansik di baruh Seksyen 297 Kanun Keseksaan,” ku Rowney nyemetak.

BERITA LAIN

Nempa Sarawak nyadi tibang pemakai

TUSUN KETERUBAH MINAT Reynold anak Jacktola, 29, ti rindu agi dikangau Nol ba pengawa betanam betupi nya endang dikembuan iya ari mit laban iya datai

Tebing Sungai Saratok deka diseleti meruan

SARATOK: Perintah Sarawak deka nyeleti pengkalan ba seberai Pasar Saratok enggau jematan dikena ngelayang Sungai Paon. Kaban Kunsil Nengeri (ADUN) Kalaka, Mohamad Duri madah, sepenyampau

BERITA TERBARU