Dua sebakih nyauka parai dilantak

SIBU: Dua bakih semenua nyauka bebadi nyawa pengudah motosikal seduai belantak enggau sebuah kerita ba Jalai Kuari, Bukit Aup semak ditu, lemai kemari.

Ba penusah nyadi urung pukul 5.30 lemai nya, seduai ti beumur 25 enggau 20 taun ba rantau jalai pulai ke rumah lebuh motosikal dilantak sebuah kerita Proton Saga datai ari mua.

Pemangku Ketuai Opis Bomba enggau Penyah Penusah Malaysia (JBPM) Zon 4 Sibu, Wan Kamaruddin Wan Ahmad madah, sida nerima kangau ngenyit urung pukul 5. 47 lemai berumban ngesah ngagai endur penusah nyadi.

Lebuh datai dia, sebuah motosikal enggau kerita dipeda belantak ari mua.

Raban bomba mantu nulak motosikal ti tepawah ngagai tisi jalai seraya seduai ti bakal ba lengan enggau kaki diperubat sebedau ditaban ngagai sepital.

Taja pia ku iya, deriba enggau siku penumpang kerita nya nadai bakal.