ARTIKEL

Dudi hari nembiak Sarawak belajar pechuma ba palan pelajar tinggi

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

LIMBANG: Premier Sarawak Datuk Patinggi Tan Sri Abang Johari Tun Openg deka meda anak Sarawak nampung pelajar tinggi chara pechuma dudi hari.

Abang Johari ngarapka juluk ati nya ulih dijapai nengah Turu Pesaka Bansa ke benung dikemansang diatu.

“Kitai bisi chara nambahka penatai pemisi dudi hari. Niat aku deka meri pelajar pechuma ba tikas pelajar tinggi,” ku iya.

Abang Johari mansutka jaku nya lebuh bejadika Muzium Limbang, ensanus.

Abang Johari madah, inisiatif meri pelajar pechuma ba tikas tinggi nya nentuka kitai ulih nempa mayuh agi anak Sarawak ti bepenemu.

Nya kebuah ku iya, inisiatif tu mega ulih nempa modal mensia ke deka ngemansangka Sarawak.

“Enti modal mensia kitai nambah lalu disikap penemu baru, kitai ulih ngemansangka Sarawak.

“Nya alai, aku ngarapka kitai terus nyaga penyerakup, sama bebasaka pangan diri ngambi anak kitai ulih idup lantang enggau likun,” ku iya.

Ku Abang Johari, naka diatu iya udah nemuai ngagai menua nyadika malin ngemujurka turu pesaka bansa nya.

Entara menua udah dilawa Abang Johari iya nya Norway ke mega menua ekonomi ari pengeraja asal, Singapore ngemansangka ekonomi ukai ari pemansut enggau United Kingdom (UK) ti ngembuan serikat ngaduka belanja tikas dunya.

BERITA LAIN

Nempa Sarawak nyadi tibang pemakai

TUSUN KETERUBAH MINAT Reynold anak Jacktola, 29, ti rindu agi dikangau Nol ba pengawa betanam betupi nya endang dikembuan iya ari mit laban iya datai

Tebing Sungai Saratok deka diseleti meruan

SARATOK: Perintah Sarawak deka nyeleti pengkalan ba seberai Pasar Saratok enggau jematan dikena ngelayang Sungai Paon. Kaban Kunsil Nengeri (ADUN) Kalaka, Mohamad Duri madah, sepenyampau

BERITA TERBARU