KOTA SAMARAHAN: Program Sinematografi ari Fakulti Seni Gunaan enggau Kreatif, Unimas ditu deka masang wayang gambar ba sebengkah program dikumbai Duduk dan Tonton.
Ba sebengkah penerang berita sida tadi madahka pengawa nya diatur nengah kerejasama SeaShorts Film Festival ti diatur pukul 8 malam pagila ba https://tinyurl.com/DuTon1.
Nambahka nya, lima filem pandak ti deka dipasang nya datai ari menua Malaysia empu, udah nya Singapore, Thailand, Indonesia enggau Filipina.
Semua filem tu bechuanka sada orang indu ngagai mensia mayuh ti nyata dibantai nengah rambai jaku SEAriously, Women on Screen.
Tembu pengawa meda filem pandak nya, raban pengatur deka ngatur program saut tanya sereta randau ti deka bejuraika pekara dikenang dalam filem nya.
Ngambika semua nemu, entara pekara ti deka dipejurai ngaul pengawa ngaga filem enggau pekara bekaul ke bukai ti deka diatur nengah tali arus ba Google Meet.
