E-dagang nyadi pilih penguna

KUCHING: Sektor kedai enggau orang tengah diatu napi pemar beduduk ari mayuh penguna ba pengawa meli barang, pia ku Chong Chieng Jen.

Sapit Menteri, Opis Menteri Dagang Dalam Menua enggau Pekara Bebelika Barang (KPDNHEP) nya madahka diatu komuniti ba dunya digital bisi ubah bekaul chara sida bebelika barang.

“Enti suba, penguna suah agi bebelika barang ba palan bebelika barang, palan besai bebelika barang enggau palan meli gari tang diatu bala penguna rindu agi meli barang ngena pelasar e-dagang

“Penguna semina duduk ba rumah enggau meli barang ukai semina ari Malaysia tang mega ngagai serata dunya,” terang Chieng Jen.

Iya mansutka jaku nya lebuh bejaku seraya bejadika Everisse Supermarket & Department Store di sebuah kedai besai, ditu pagi tadi.

Nambahka nya ku Chieng Jen, pelasar e-dagang nya mega udah ngerembai enggau nambah jampat agi urung 8 nyentuk 9 peratus setaun.

“Aku andalka kitai ditu mega kala meli barang ari Lazada, Shopee enggau ke bukai.

“Pelasar tu mega deka ngubah chara bala penguna bebelika barang kelimpah ngemuntang enggau ngelimatka jam sida,” terang iya silik. Berita penuh ulih dipeda dalam Ruai, Suara Sarawak pagila.