e-Lumba dikemansang ba selampur menua

KUALA LUMPUR: Opis Menteri Nembiak enggau Lumba (KBS) deka nentuka pemansang e-Lumba ungkup semua ba semua renggat di selampur menua.

Menteri iya, Syed Saddiq Syed Abdul Rahman madahka nengah Pelin Strategik Pemansang e-Lumba, Perintah deka nentuka agih belanja RM20 juta dalam Bajet 2020 ulih dikena manah ungkup pemansang e-Lumba ba Malaysia.

Ku Saddiq, KBS merambu ngatur sistem liga ungkup e-Lumba ke ulih nempa mayuh agi atlit ba tikas entarabansa kelimpah meri awak ngagai tim baru bepekit chara profesional.

“Dudi hari kitai bisi liga nasional keterubha diatur ba renggat nengeri ngambika e-lumba ulih disereta nengah semua renggat ba Malaysia, ukai semina ba mengeri tang nyengkaum menua pesisir.

“Berebak enggau nya, kitai dekaka pemansang industry tu ulih diperambu nengah ngatur mayuh agi pekit ba tikas entarabansa.

“Kitai mega deka nentuka mayuh agi pemeranak puku ari luar dalam e-lumba tu,” ku iya.
Saddiq mansutka jaku nya pengudah bejadika Pelin Strategik Pemansang E-Lumba ba Universiti Malaya, ditu kemari.