Ejensi bukai ulih mansutka kompaun ngelanggar SOP

KUCHING: Sebarang ejensi ulih mansutka kompaun ngagai orang ti ngelanggar Atur Pengawa Standard (SOP) dikena nagang pandemik Covid-19.

Kepala Polis Sarawak, Datuk Aidi Ismail madah, ejensi ti udah nerima pemendar ari Opis Menteri Pengerai Malaysia (KKM) endang ulih mansutka kompoun ngagai pesalah.

“Reti iya, ukai semina raban PDRM aja ulih mansutka kampaun tang ejensi bukai ti udah bulih pemendar mega ulih mansutka kompaun ngagai sida ti ngelanggar SOP.

“Nya alai, sekeda raban bekaul ba pelilih nya deka matau ulah orang ti ngelanggar SOP nya,” terang Aidi lebuh dirandau pemberita pengudah Pengawa Nyuaka Pemeri Raya Gawai 2021, ditu tadi.

Ngelansa pasal siti kluster Swab di Stutong, iya ngelempaika pekara tu ngagai Opis Pengerai Pelilih ngambi neritka atur enggau kompaun ngagai pengatur program.

Suara Sarawak