ARTIKEL

Ejensi Penyeraris Pemansang Greater Kuching bejalaika bemacham projek ngemansang Kedup

Facebook
Twitter
LinkedIn
WhatsApp
Telegram

SERIAN: Ejensi Penyeraris Pemansang Greater Kuching (GKCDA) bejalaika bemacham inisiatif dikena negap pemansang ba sitak Kedup.

Sapit Menteri Industri Pemakai, Komoditi enggau Pemansang Wilayah Sarawak, Datuk Martin Ben madah, GKCDA udah ngemendar projek ngaga jalai sepanjai 2.7 kilometer ngagai Kampung Terbat Mawang ngena agih belanja RM2.4 juta.

“Aku andal penembu projek nya ila mega deka meri mayuh penguntung ngagai peranak ti diau ngelingi nya.

“Kelimpah ari nya, Projek Tagang Kampung Terbat Mawang udah diperambu lalu nganti pemendar dikemansang ngambi nyadi Palan Eko Dagang Temuai ba tanah pemesai dua nyentuk tiga ikar,” ku iya.

Martin nyebut pekara nya lebuh bejaku ba Pengawa Makai Selamat enggau Pengerami Nyambut Taun Baru 2024 di Kampung Terbat Mawang ditu, ensanus.

Kaban Kunsil Nengeri (ADUN) Kedup nya mega ngelalau rayat Kedup neruska niat ba taun 2024 ngangkat ekonomi ruang bilik ngagai tikas ti manah agi ba sebarang pengawa ti dikereja.

“Pemansang genturung pendiau aja nadai meri reti enti peranak dia agi tinggal enggau tikas penatai pemisi ti agi baruh dikena nangkup belanja ruang bilik ti majak nambah,” ku iya.

Ba pengawa nya, Martin bisi ngelansa pasal agi belanja Projek Program Transformasyen Menua Pesisir (RTP) penyampau RM200,000 dikena nyeleti Balai Raya Kampung Terbat Mawang.

Iya mega nyuaka chek geran Projek Mit Pemansang Menua Pesisir (MRP) penyampau RM10,000 ngagai Chairman Komiti Pemansang enggau Pengelikun Genturung Pendiau (JKKK) Kampung Terbat Mawang kelimpah RM5,000 ngagai Gerempung Nembiak ba genturung nya.

Bisi mega datai Sapit Tuai Pampang Kedup Parti Pesaka Bumiputera Bersatu (PBB), Ripin Daoh, pengari Pegawai Pelilih Tebedu, Muhammad Fais Rusydi Bolhassan sereta Tuai Komiti enggau Tuai Raban Bansa (KMKK) ari sitak nya. – EDISI UKAS

LAIN-LAIN BERITA

TYT Sarawak bulih gelar Pehin Sri

KUCHING: Tuai Pemegai Menua (TYT) Nengeri Sarawak, Tun Dr. Wan Junaidi Tuanku Jaafar udah nerima Darjah Utama Yang Amat Mulia Satria Bintang Sarawak (S.B.S) ke

KDJA ngerami 200 pengemeran media malam tadi

KUCHING: Lebih 200 iku pengemeran media dirami nyerumba Pengerami Makai Lemai Taun Baru China Gerempung Pemberita Bagi Menua Kuching (KDJA) malam tadi. Sekeda program bisi

Sistem belanja seikas menua maju

MIRI: Perintah Sarawak benung nungkap pengawa numbuhka sistem belanja ti seikas enggau menua ti udah maju ba rantau tu. Premier Sarawak Datuk Patinggi Tan Sri

Dua ruang bilik kurang penatai pemisi dibantu

MIRI: Komuniti Mit Ngintu Pengelantang, Pengerai enggau Komuniti Bulan Sabit Merah Malaysia (MRC) Pampang Miri udah ngabas dua buah ruang bilik ti kurang penatai pemisi

BERITA TERBARU

TYT Sarawak bulih gelar Pehin Sri

KUCHING: Tuai Pemegai Menua (TYT) Nengeri Sarawak, Tun Dr. Wan Junaidi Tuanku Jaafar udah nerima Darjah Utama Yang Amat Mulia Satria Bintang Sarawak (S.B.S) ke

Pelabuhan Bintulu peneraju pelabuhan Sarawak

KUCHING: Pelabuhan Bintulu adalah peneraju pelabuhan Sarawak, bukan sahaja dari segi eksport gas asli cecair (LNG) tetapi juga terminal eksport LNG terbesar di Asia Timur,