ARTIKEL

NANCY SHUKRI

Ekosistem pelajar enggau kurikulum patut diterit ba sekula

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Menteri Pemansang Indu, Ruang Bilik enggau Komuniti, Datuk Seri Nancy Shukri balat ngemerat opis menteri bekaul neritka ekosistem pelajar enggau kurikulum ngagai raban nembiak sekula.

Iya madah, ekosistem nya patut diterit nyengkaum bejalaika pengawa matau ngagai bala nembiak ba sekula.

“Opis menteri ti bisi tanggungpengawa ba isu domestik patut nentu gaya ba rumah ngembuan bilik ti chukup lalu diengkah kediri dikena nyeliah sebarang pekara ti enda manah.

“Kitai meda ba kes ti nyadi ba Port Dickson, Negeri Sembilan, chukup ngenyinuka ati lebuh siku anak nanggung pemerinsa pengelama lapan taun nyentuk ngadaka dua anak ari apai iya empu.

“Pekara tu ngasuh kitai ringat, pedis ati sereta sinu. Kitai enda ulih semina mantaika pengeringat aja tang kitai patut ngiga jalai dikena nyeliah pekara baka tu ari terus nyadi,” ku iya.

Nancy mansutka jaku nya rambau dirandau pemberita pengudah Pengerami Ngelalu Pengabang Aidilfitri ba rumah iya empu ditu, sehari tu.

Iya madahka raban opis menteri bela ngaga advokasyen dikena nentu sada raban nya ulih didinga.

“Enti bisi sebarang kes baka nya nyadi, mensia mayuh ulih ngaga kangau telefon Talian kasih ba lumur 15999.

“Lumur telefon tu dikena mantu sida ti napi penanggul dipenyati ba rumah lalu atur bekaul deka diambi bepelasarka ripot ti digaga,” ku iya.

BERITA LAIN

Sarawak dulu sesingkang mantu rayat

BAU: Perintah Sarawak dipuji laban ngena chara go the extra mile tauka dulu sesingkang ba pengawa meri bantu ngagai rayat di menua tu. Sapit Menteri

Isut mubuk menua Kabo Ulu

ISUT nitih ke jerita, nyadi tuai orang ti muai unak, muai lemetak, muai batang, muai agang di sitak menua Kabo Ulu. Iya tuai orang berimbau,

BERITA TERBARU

Mangsa kebakaran di Kampung Kelka disantuni

SIMUNJAN: Nasib mangsa kebakaran di Kampung Kelka Ulu, Simunjan, Abdul Rahman Abdullah terus mendapat perhatian dua wakil rakyat di kawasan terbabit iaitu Ahli Parlimen P.200