ARTIKEL

CHUKUP MANAH… Snowdan nunjukka ukir kelingai lebuh aum pemberita Ekspo Kelingai Antarabansa Kuching 2024 enggau Little Borneo Birdie ba Balai Mulu Begunan Baitulmalmur ll ditu, kemari. -GAMBAR RAMIDI SUBARI

Ekspo Kelingai Antarabansa Kuching 2024 deka matak temuai dunya

Facebook
Twitter
LinkedIn
WhatsApp
Telegram

KUCHING: Ekspo Kelingai Antarabansa Kuching 2024 dikeandal ulih diatur ninting taun laban meri empas positif ngagai aktiviti dagang temuai di menua tu.

Sapit Menteri Dagang Temuai, Industri Kreatif Enggau Seni Pemerindang, Datuk Snowdan Lawan madahka program tu ulih mantu ngemujurka tagit Sarawak dalam nyapai empat juta temuai menua luar datai kitu.

“Ba taun 2022, raban pengatur bisi ngadu ekspo baka tu tang lebuh nya sida bedau minta sukung belanja ari opis menteri, ke alai sida ngerikodka 4,000 iku temuai.

“Nyema sida ulih ngatur program tu ninting taun nya deka meri empas positif ngagai penatai temuai menua luar laban tagit opis menteri iya nya deka meda urung empat juta temuai datai kitu,” ku iya.

Snowdan bejaku munyi nya rambau aum pemberita Ekspo Kelingai Antarabansa Kuching 2024 enggau Little Borneo Birdie ba Balai Mulu Begunan Baitulmalmur ll ditu, kemari.

Ku iya, Ekspo Kelingai Antarabansa Kuching 2024 deka diatur tiga hari berunggu ari 5 ngagai 7 April ba Balai Besai Gerempung Nasional Dayak Bidayuh (DBNA).

Baca lain  Program manah narak penyedar

Iya madah, bisi 45 palan artis bekelingai dibuka nyengkaum penyereta ari menua luar baka Holland, Sweden, India, Perancis, Indonesia, Filipina, Jipun enggau Malaysia empu.

“Pia mega, bisi 12 kategori pekit bekelingai diatur maya nya baka Old Skool Tattoo, Small Piece Tattoo, Modern Borneo Fusion, Tribal Machine Work, Oriental Colour, Oriental Black and Grey, Tatuk, Freestyle Tattoo, Realism Tattoo enggau Best of The Day.

“Kelimpah ari pengawa bekelingai, mega bisi diatur pengawa pemandang, bejual kraf jari, beperindang enggau gendang pampat, tabuh Sape, main api, belagu enggau ngajat ari Ring Lady,” ku iya.

Ku Snowdan, seni ukir tubuh tu siti pengawa enggau adat asal bansa Dayak sereta identiti ti patut dijaga.

“Bekelingai tu sebengkah seni ukir ba tubuh, aku temegah laban bansa bukai ari menua luar rindu ke ukir kelingai bansa Dayak ngujung ke sida ulih nyadi duta menua Borneo,” ku iya.

Nangkan nya, raban pengatur Ekspo Kelingai Antarabansa Kuching 2024, Boi Skrang ari Skrang Tattoo Studio enggau Nicholas Jenta ari Inkzation Studio madahka program tu ila deka nyadi siti ari program pansik Universiti Malaysia Sarawak (UNIMAS).

Baca lain  200 pain darah diguna ninting hari

Ku Nicholas, raban nembiak ari UNIMAS deka belajar sekeda bungai enggau ukir kelingai enggau pekara bukai dikena ngerikod penerang beguna bekaul kelingai nya.

“Kami mega deka ngelalu penatai Sapit Menteri Dagang Temuai, Industri Kreatif Enggau Seni Pemerindang ll Datuk Snowdan Lawan bejadi ekspo tu kena 6 April 2024,” ku iya.

BERITA LAIN

Premier betemu anak Sarawak di England

LEEDS: Premier Sarawak, Datuk Patinggi Tan Sri Abang Johari Tun Openg udah betemu enggau 20 anak Sarawak ti belajar di England serimbai Hari Raya Aidilfitri.

BERITA TERBARU

PDRM

Suspek kes amang seksual ditahan di Miri

SRI AMAN: Suspek lelaki dikehendaki polis yang disyaki melakukan amang seksual terhadap seorang kanak-kanak perempuan di kawasan tanah perkuburan lama, Kampung Kubal, Betong ditahan Jumaat

Pemancing udang jumpa mayat terapung

MIRI: Sembilan pemancing udang galah dikejutkan dengan penemuan mayat seorang lelaki dalam keadaan tidak sempurna di Sungai Kuala Baram di sini, hari ini. Ekoran itu,