ARTIKEL

Ekspo Reta Tanah Sheda diatur 14-16 Julai

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Gerempung Pemaju Pengawa Berumah enggau Reta Tanah Sarawak (Sheda) deka ngatur Ekspo Reta Tanah Sheda 2023 ba Palan Aum Borneo Kuching (BCCK) kena 14 nyentuk 16 Julai tu.

Chairman Pengatur Ekspo Reta Tanah Sheda 2023 Steve Tan Chen Hang madah, ekspo nya nyadi pelasar ngemuntang kaul pemeli enggau pemaju reta tanah di Sarawak.

“Taja gaya ekonomi enda tentu ngerembai, raban pengelaku deka diberi peluang bulih untung bejual ari pelasar kami ba atur pengawa maya ekspo tu ila.

“Nadai ngira serikat mit, jelan tauka multinasional ti baru tauka udah ditumbuh, semua sida bulih peluang tu ngayanka reta tanah ngambi ulih betemu enggau pemeli baru tauka lama ila,” ku iya.

Steve bejaku munyi nya ba aum pemberita Ekspo Reta Tanah Sheda 2023 ba opis Sheda di Jalai Stutong ditu, kemari.

Ku iya, Sheda naka ulih nangkup peminta reta tanah rayat Sarawak, mutarka peminta pengawa berumah enggau megai tanggungpengawa ngemansangka Sarawak.

“Nya alai, raban pemaju diperansang ngena pelasar tu mantai enggau ngaul diri berandau, ngayanka chap dagang sida ngambi majak dipechaya enggau dikeandal pemeli.

“Kelimpah pengawa mandang, komiti ekspo mega benung ngaga atur nyendiaka servis tambah dikena nyeraris proses ngaga jali ngagai orang ti deka meli reta tanah,” ku iya.

Iya nangkan nya, meransang raban ukai pemaju ngambi ngaul diri kelebih agi bekaul produk ngemenuh enggau nambahka penau ngulihka reta tanah.

Penerang silik tau betanya ngagai sekretariat Sheda Michelle tauka Florence ba lumur 082-366334 tauka emel secretariat@sheda.org. my.

Mensia mayuh mega ulih meda penerang ari facebook.com/ SHEDASarawak enggau www.shedapropertyexpo.com

BERITA LAIN

Mayuh bantu ngubah pengidup rayat

DEBAK: Bemacham bansa bantu diberi perintah dikena ngubah enggau nyaga pengelantang rayat. Sapit Premier Sarawak, Datuk Amar Douglas Uggah Embas madah, nya nentuka rayat bulih

Gaji niki nipakka inflasyen

KUCHING: Perintah Besai dipinta nyemela pengawa nikika gaji nipakka tikas inflasyen ngambi pekara tu enda meri empas ngagai rega barang niki ti ngasuh atur nikika

BERITA TERBARU

Jururawat barisan hadapan sistem kesihatan negara

KUCHING: Jururawat adalah enjin utama ekonomi sistem penjagaan kesihatan yang menyumbang kepada kecekapan sistem, penjimatan operasi serta perbelanjaan dan kualiti kesihatan masyarakat. Pengarah Hospital Umum

Sentiasa cari peluang manfaatkan kepakaran

SIBU: Universiti Teknologi Sarawak (UTS) akan sentiasa mencari peluang untuk memanfaatkan kepakaran untuk kebaikan masyarakat menerusi Inisiatif penyelidikan dan pembangunan (R&D) Rumah Pintar, dengan tumpuan

Bank makanan siswa

PROGRAM bank makanan siswa institusi pengajian tinggi (IPT) merupakan inisiatif kesinambungan Program Food Bank Malaysia yang dilancarkan pada 22 Disember 2018. Ia adalah untuk membantu