ARTIKEL

Eksport industri kayu ramu niki 26 peratus

Facebook
Twitter
LinkedIn
WhatsApp
Telegram

KUCHING: Eksport industri kayu ramu di Sarawak niki 26 peratus berengkah Januari nyentuk March taun tu enti dibanding enggau timpuh ti sama ba taun 2021.

Sapit Premier Sarawak ti mega Chairman Kaunsil Pengatur Pusaka Datuk Amar Awang Tengah Ali Hasan madahka eksport industri kayu ramu ungkup timpuh tu nambah ngagai RM1.04 billion ba taun 2022 ari RM826 juta ba taun 2021.

“Kitai ngarapka industri kayu ramu deka suman ke alai kitai deka meri fokus ngagai produk industri pemungkal laban industri tu chukup berega baka kereban rumah (perabot).

“Aku mega meransang raban pemain industri kayu ramu tu ulih nambahka guna teknologi dalam dagang dikena ngemanahka operasyen sida,” ku iya.

Awang Tengah bejaku munyi nya rambau Program Meri Bantu Pusaka di Balai Licha Pusaka, Wisma Sumber Alam ditu, kemari.

Ku iya ti mega Menteri Pemansang Mengeri Enggau Pengeraja Asal Kedua, nyema industri kayu ramu deka maju sida mesti ngalih ngagai bidang teknologi tinggi baka chara ti digaga menua Vietnam.

Baca lain  Rayat Sarawak diperansang ngembuan semangat Bujang Berani

“Menua Vietnam suba mayuh ngimport kayu batang tang diatu sida udah enda ngimport agi ketegal industri ‘hiliran’ sida ngerembai jampat.

“Nya alai, Pusaka deka seruran meri lalau penemu ngagai polisi tu awakka semua raban bekaul ulih meri fokus ngagai industri ‘hiliran’ ti amat berega.

“Kitai deka nyendiaka servis pengerembai industri kayu ramu laban kitai deka ngemansangka kandang menua baka Jepak, Tanjung Manis enggau ke bukai dikena raban peribit ngerembaika industri buluh ti nerima peminta tinggi,” ku iya.

Iya nangkan nya, ngaku raban industri peribit nyadi bakih ti beguna dalam pengawa ngeluarka produk ‘hiliran’ ti berega nya.

DATUK AMAR AWANG TENGAH

BERITA LAIN

Premier betemu anak Sarawak di England

LEEDS: Premier Sarawak, Datuk Patinggi Tan Sri Abang Johari Tun Openg udah betemu enggau 20 anak Sarawak ti belajar di England serimbai Hari Raya Aidilfitri.

BERITA TERBARU

Komersialkan beras premium Ba’kelalan

LAWAS: Penjenamaan semula pembungkusan beras Adan bakal mengangkat nilai tanaman tradisional itu sebagai beras organik premium. Yang di-Pertua Dewan Negara, Senator Datuk Mutang Tagal, berkata

Doyoung NCT sah konsert solo pertama

PENYANYI, Kim Doyoung, 28 dari kumpulan NCT, bersedia mempamerkan persembahan solonya. SM Entertainment menerusi satu kenyataan memaklumkan, Doyoung bakal mengadakan konsert solo pertamanya selepas penerbitan

Kyrgyzstan sekat TikTok

BISHKEK: Wanita muda, Aku Sharsheeva, 22, berasa kecewa apabila gagal mengakses platform TikTok di studio fotografinya di ibu kota Kyrgyzstan minggu ini. “Tiada apa-apa yang