Eksport jagu siga nitih kouta

KUCHING: Sarawak mujur eksport 850 iku jagu siga ngagai menua luar dalam setaun kenyau ari taun 2017.

Pemesai Jelu Siga ti mega Sapit Kontroler Jelu Siga, Engkamat Lading madahka jagu dikemendarka ungkup dagang besai kenyau ari bulan Oktober 2016 lalu eksport jelu tu bepun ba taun 2017.

“Ninting taun kitai mujur eksport 850 iku jagu ngagai Hong Kong, UK enggau menua luar bukai.

“Eksport jagu tu nitihka kouta laban kami bisi meresa tikas sereta nentuka nadai ngelanggar atur dulu sebedau ngemendarka jelu nya dieksport,” terang iya.

Engkamat bejaku munyi nya ba aum pemberita lebuh ngulu Kus Ngenegapka Akta 686 (Pengukuhan Akta Perdagangan Antarabangsa Mengenai Spesies Terancam (CITES)) enggau Wild Life Protection Ordinance (WLPO) 1998 ba sebuah hotel tebilang ditu tadi.

Suara Sarawak