Empat ari tujuh projek RTP sitak Kakus udah tembu

TATAU: Empat ari tujuh projek dipejalai nengah Program Transformasyen Menua Pesisir (RTP) ba sitak Dun Kakus udah tembu.

Menteri Muda ba Opis Kepala Menteri (Undang- Undang enggau Adat Bumiputera) Datuk John Sikie Tayai madahka tiga projek ke bukai agi dipejalai.

Ku iya, projek ke benung digaga diatu baka nyungkur taba rumah panjai baru Rumah Dicka, Sungai Anak Selangau.

“Pia mega pengawa nyungkur taba Rumah Jentang, Sungai Anak enggau projek nyeleti jalai Rumah Charlie Adoh chakah dipejalai diatu,” terang iya.

Sikie mansutka jaku nya lebuh ngabas pejalai projek RTP ba sitak Dun Kakus dikuasa Opis Pelilih Selangau, kemari.

Sama nyempulang Sikie ba pejalai sekali tu Pegawai Ngatur Pengawa Pelilih Selangau, Anyie Awing enggau pengari Opis Kereja Raya Bagi Menua Sibu, Safual Kamil sereta bala bukai. – NURUL SHIMA SHAHMINON

Suara Sarawak