Empat hak Sarawak enda ulih dikachau

KOTA SAMARAHAN: Menua bukai nadai hak negu empat hak Sarawak, ku Kepala Menteri Datuk Patinggi Abang Johari Tun Openg.

Ku iya, nadai runding ngagai menua bukai ti nguji deka ngachau empat hak ba Sarawak lalu iya udah berandau pasal empat pekara ke enda ulih ditegu tu ngagai Perintah Besai.

“Keterubah hak kitai iya nya garis entara menua lalu tu enda ulih ditegu menua bukai.

“Kelimpah ari nya, undang-undang kanun tanah Sarawak mega enda ulih ditegu laban nya hak kitai, menua bukai anang deka nemu kediri ngatur hal tanah menua kitai,” ku iya madah nyemetak.

Abang Johari madah munyi nya lebuh bejadika Program Sarawakku Sayang di Dataran Tebuka, ditu, pagi tadi.
Nangkan nya ku iya, pekara ketiga ti enda ulih dikachau menua bukai iya nya kuasa imigresen Sarawak.

“Pekara keempat, kita endang deka ngetanka nama ke udah ditulis daam Konstitusyen enggau Sempeka Malaysia 2963 (MA63).

“Semua empat pekara tu nadai ulih runding enggau menua bukai, nya hak kitai!” ku iya. Berita penuh dalam Suara Sarawak pagila.