Empat projek pemansang ungkup Dalat

DALAT: Empat ari semilan peminta baru pemansang ba Pelilih Menua Dalat dikemendarka Kepala Menteri Datuk Patinggi Abang Johari Tun Openg, pagi tadi.

Iya ti mega Menteri Wang Enggau Pengatur Ekonomi madahka entara peminta ti dikemendarka tu nyengkaum ngaga perabung sepiak kiba rumah peninjau Waterfront Dalat.

Ku iya, tu nyengkaum projek ngemanahka Waterfront Dalat Renggat Ketiga, melanja operasyen Geleri Warisan Melanau enggau nyendiaka sebuah van mai bangkai di Sepital Dalat.

“Empat projek tu dikemendarka aku diatu laban agih belanja ti dikena enda besai.

“Ba rintai peminta projek bukai ke begunaka belanja besai deka dipasukka ba Langgur Pemansang Malaysia Lumpar Ke-12 (RMK12) ila,” ku iya.

Abang Johari bejaku munyi nya beserimbai enggau Program Bejadika Waterfront Dalat enggau Bazaarnita Fatima Dalat ditu, sehari tu.

Suara Sarawak