Enam pemati, 479 kes baru positif di Sarawak

KUCHING: Sarawak sehari tu ngerikodka enam agi kes pemati baru ketegal Covid-19.

Komiti Penyangga Penusah Nengeri (JPBN) nengah penerang media madahka penyampau nya ngujungka penyampau kes pemati ketegal Covid-19 di menua tu nambah ngagai 207 iku.

Enam iku sida ti midang tu beumur entara 57 ngagai 90 taun ke dirikodka ba Sepital Bintulu, Kapit, Sibu enggau Saratok.

Nangkan ke nya, ba penerang ke sebaka madahka bisi 479 kes baru positif Covid-19.

Nya ngujungka, penyampau kes positif Covid-19 di wilayah tu nambah ngagai 34,706 kes.

Pelilih menua ti ngerikodka kes baru positif Covid-19 tu iya nya Pelilih Menua Sibu
(125), Bintulu (110), Miri (89), Kapit (35), Sri Aman (23), Mukah (22), Kuching (14), Kanowit (13), Sebauh (12), Selangau (9), Subis (5), Beluru (5), Lubok Antu (4), Tatau (3), Serian (3), Saratok (2), Song (2), Tanjung Manis (1), Meradong (1) enggau Samarahan (1).

Penerang tu mega madahka, ari 479 kes baru ti diripotka, semina 64 iku aja ti bisi nunjukka kelai dirampit lebuh beperesa ke alai 419 ari sida endang orang ti diasuh kuarantin.

Suara Sarawak