ARTIKEL

MATAU… Raban bomba ari BBP Marudi benung matau gaya utai ke nyadi ba taba rumah panjai ke angus.

Enam pintu Rumah Panjai Apoh angus lengis dini hari tadi

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

BARAM: Sepenyampau 28 iku ari lapan ruang bilik di Long Belok, Apoh ditu semina tinggal gari ba punggung pengudah rumah panjai sida dituntung penusah karam di darat.

Pengari Opis Bomba enggau Penyah Penusah Malaysia (JBPM) Sarawak madah, raban sida nerima kangau ngeripotka penusah nya ari Palan Matau Operasyen (PKO) Balai Bomba enggau Penyah Penusah (BBP) Marudi urung pukul 7.55 pagi.

Ku iya, penerang tumu madah ke penusah nya nuntung urung pukul 3 dini hari lalu PKO BBP Marudi udah nya berumban ngesah kin.

“Lebuh datai din, enam pintu ba sebuah rumah panjai 105 pintu pemanjai udah angus lengis diempa api.

“Sida enam pintu betubuh 28 iku ke tasah angus endang nadai daya nyelamatka keresa diri taja semua sida nadai apa nama.

“Sida ke tasah nya orang besai tuai datai ari 13 lelaki enggau lapan indu, tiga nembiak mit lelaki enggau empat nembiak mit indu,” ku iya nengah penerang tadi.

Taja pia ku iya, nadai sebarang operasyen ngerara api dipejalai laban penusah udah teputar lebuh sida datai din.

Ungkup penerang, raban operasyen napi pemar ngenataika diri enggau jampat ngagai endur penusah nyadi laban menua jauh, jalai batang ke luchak ketegal ujan.

Tambah mega, menua nya nadai kena bungkur sambung telekomunikasyen ti ngujungka penerang pasal penusah laun diterima.

Berebak enggau nya, raban bomba semina ngambi enggau ngerikod penerang sida ke tasah lalu mantu Unit Pemansik Penusah Angus Zon Miri mansik endur penusah.

Nambah ke nya, pun penusah nyadi enggau penyampau pengerugi ditapi peranak di agi dalam pansik.

BERITA LAIN

Mayuh bantu ngubah pengidup rayat

DEBAK: Bemacham bansa bantu diberi perintah dikena ngubah enggau nyaga pengelantang rayat. Sapit Premier Sarawak, Datuk Amar Douglas Uggah Embas madah, nya nentuka rayat bulih

Gaji niki nipakka inflasyen

KUCHING: Perintah Besai dipinta nyemela pengawa nikika gaji nipakka tikas inflasyen ngambi pekara tu enda meri empas ngagai rega barang niki ti ngasuh atur nikika

BERITA TERBARU