ARTIKEL

Enam subjek suntuk pengajar

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUALA LUMPUR: Opis Menteri Pelajar Malaysia (KPM) udah ngelala enam subjek teras ti beguna mayuh agi pengajar ba sekula naka 28 Februari tu tadi.

Sapit Menteri Pelajar, Lim Hui Ling madah, subjek nya nyengkaum Jaku Melayu, Jaku English, Pendidikan Islam, Reka Bentuk enggau Teknologi, Pendidikan Seni Visual sereta Sejarah.

“Kitai nemu pekara tu bisi penanggul suntuk pengajar, baka ti dipadah aku sebedau tu, KPM udah bejalaika pengawa ngambi 22,327 pengajar nengah chara sekali ngambi enggau kluster subjek ungkup timpuh 2021 nyentuk bulan Januari 2023.

“Taja pia, kitai bisi merambu ngambi pengajar ba bulan April nyentuk June tu, kitai deka ngambi pengajar ari palan pelajar tinggi luar,” ku iya.

Lim nibar jaku nya dikena nyaut tanya Ahmad Tarmizi Sulaiman (PN-Sik) bekaul suntuk pengajar ungkup subjek teras enggau perambu KPM nambah ke pengawa ngambi pengajar baru.

Pia mega Lim madah, pengawa ngambi pengajar nya bepanggai ba pangku pengawa puang enggau peminta ba opsyen subjek kemaya hari.

“Nya alai, dipelaba bisi sekeda bala graduet enda mujur nyadi pengajar, enda dikangau interbiu laban opsyen (subjek) tu enda sebaka enggau peminta kitai ba KPM,” ku iya.

Nyaut tanya tambah ari Vivien Wong Shir Yee (PH-Sandakan) senentang nasip graduet ti enda mujur interbiu Komiti Besai Servis Pelajar (SPP), Lim madah, graduet diperansang minta baru nengah mySPP pengudah timpuh enam bulan pemutus interbiu dikeluarka ba portal rasmi SPP. – BERNAMA

BERITA LAIN

Sibu tuai rumah Sarawak Agrofest 2025

BINTULU: Sibu udah dipilih nyadi tuai rumah Sarawak Agrofest ba taun baru. Menteri Industri Pemakai, Komoditi enggau Pemansang Wilayah Sarawak, Datuk Sri Dr. Stephen Rundi

88 chalun STPM Sarawak bullh PNGK 4.0

INDUN SILONGsuarasarawak.sv@gmail.com KUCHING: Nengeri Sarawak ngerikod Purata Nilai Gred (PNGK) pemutus peresa Sijil Tinggi Persekolahan Malaysia (STPM) 2023 penyampau 2.69 enti dibanding PNGK STPM 2022

BERITA TERBARU