Enda ibuh kuarantin enti udah divaksin

KUCHING: Opis Pengerai Nengeri Sarawak (JKNS) madahka sida ke udah betuchuk vaksin tau enda ibuh dikuarantin.

Direktor JKNS, Dr Chin Zin Hing madah, iya mantaika pekara nya ngambi nyaut tanya mensia mayuh pasal sekalika sida ke udah dituchuk vaksin mesti dikuarantin pengelama 14 hari tauka enda.

“Kuarantin 14 hari nya semina bekaul kebuah bukai baka nyadi kontak ngagai kes positif, tama ke Sarawak enggau ke bukai,” terang iya.

Nambahka nya, Zin Hing mantaika penerang nya pasal ripot berita ari TVS iya nya “Pekerja Tidak Perlu Dikuarantin 14 Hari Setelah Divaksinasi” kena 20 April tu tadi.

Suara Sarawak