ARTIKEL

Engkah chalun baru abis nadai 30 peratus

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Strategi ngengkahka chalun baru abis nadai 30 peratus ba Pengawa Bepilih Besai Nengeri ke-12 (PRN-12) deka nentuka Perintah Gempung Parti Sarawak (GPS) ulih beretan dudi hari.

Pemikir Politik Universiti Malaya (UM) Prof Madya Dr Awang Azman Awang Pawi madag, ungkup chalun ke nyadi penyandang penuduk ba PRN-12 ila, nya patut sebela entara orang enggau orang baru.

“Ungkup chalun lama ke bisi peneleba enggau mandangka rikod manah, sida tau diteju (bediri).

“Tang ungkup chalun baru, pemadu manah perintah GPS ngengkahka abis nadai 30 peratus lebih agoi chalun biak dikena nentuka pengawa disambung ari ketuai lama ngagai ketuai baru. Nya mega deka nentuka perintah dikumbai ngemujangka parti,” ku iya maya dirandau Suara Sarawak, ensana.

Ku iya mega, ungkup ketuai lama taja sida dikelala, sida patut meri awak ngagai orang biak tauka chalun ke baru.
Ngelansa pasal atur pengawa standard (SOP) ba PRN ti deka datai, iya mega madahka pandemik Covid-19 enda ulih dikena nyadika dalih nutup peluang endur bekimpin betimpai mua.

“Ba sukut tu Komiti Pengawa Bepilih Besai (SPR) enggau Kaunsil Pengelikun Menua (MKN) patutg nentuka aktiviti kimpin maya PRN patut dipejalaika nengah chara ke adil sekalika ngena media rama, ‘broadcasting’ tauka kimpin betimpai mua.

“Baka di menua Singapore, taja agi bisipandemik nuntung menua sida, aktiviti betimpai mua ambika banding betemu enggau chalun nya dikemendar ba raban ti enda mayuh (anang ngelui 12 iku).

“Reti nya, kitai ulih nentuka SOP tu dipejalai terit tang berebak enggau nya, kitai enda nutup peluang penuh endur pengundi nitihka adat demokrasi enggau bejalaika kimpin betimpai menua,” ku iya.

BERITA LAIN

BERITA TERBARU