Entukar bomba deka diperesa belanggang

KUCHING: Semua entukar Opis Bomba enggau Penyah Penusah Malaysia (JBPM) Sarawak deka diperesa belanggang dikena nentuka perengka guna nya seruran manah sereta sedia diguna.

Direktor JBPM Sarawak, Khirudin Drahman@ Hussaini nyemetak madahka semua pegawai enggau raban bomba ba menua tu mesti sedia napi operasyen bomba enggau nyelamat.

Khirudin mansutka jaku nya lebuh bejadika Gempuru Ninting Bulan March 2021 ba Bilik Seminar, ditu kemari.

Pia mega ku iya, semua pegawai enggau raban bomba mesti ngemeran enam atur JBPM lebuh bejalaika pangku pengawa.

Enam prinsip JBPM iya nya gawaka menua ketegal Allah, gawaka komuniti, taluk, sabar, gawa enggau manah, bedisiplin, semampai besedia enggau seati.

Ba pengawa nya, Khirudin udah nyuaka kereban (tool kits) ngagai tiga iku pengari ari Zon1 enggau Zon 2 sereta nyuaka setipikit dichiri nyadi raban Unit Ngubat enggau Nyelamat ngagai tujuh iku pegawai enggau raban bomba ari Indu Opis sereta Zon 1.

Dulu ari nya, pengawa nya dipandang nengah online ngaul semua zon enggau balai JBPM Nengeri Sarawak.

Sama datai Sapit Direktor PPjB Zainal Madasin enggau Komandan Akademi Bomba enggau Penyah Penusah Malaysia Wilayah Sarawak PgKB II Kurung Suwen.

Suara Sarawak